Gobernador Boekhoudt: Pa prevalece como habilitador di cambio ta rekeri transformacion di pensamento

ORANJESTAD – “E transformacion cu ta necesario pa nos prevalence como ‘habilitador’, ta rekeri un transformacion di nos mes como lidernan y di e forma con nos ta pensa”. Asina Gobernador di Aruba Alfonso Boekhoudt a bisa diahuebs anochi den su discurso na e tradicional recepcion di Aña Nobo cu a tuma luga na Hilton Aruba Caribbean Resort. Durante e ocasion aki, Gobernador a dirigi su mes na esnan presente, unda el a wak atras riba e decada cu a pasa y a duna un cuadro di cambio necesario den e decada nobo.

KEN A ATENDE

E grupo di invitad na e recepcion tabata consisti di personanan for di: e mundo politico, administracion publico, varios sector di sociedad di Aruba y miembro di  e cuerpo diplomatico y organisacion internacional.

DISCURSO

Bek pa e discurso, Gobernador a papia riba patronchi di e desaroyonan tambe. “Si nos no kier conforma nos mes cu e patronchi di e desaroyonan actual ariba nos isla, nos mester wordo transforma door di renobacion di nos mente. Enfoca riba e ‘dicon’ mester haci algo y no e ‘kico’ mester haci... y esaki no tur ora ta asina simple”, Gobernador Boekhoudt a sigui bisa. Lesa e discurso completo AKI.