Atraco arma a tuma lugar na un cas na Seroe Biento

ORANJESTAD – Un atraco arma a tuma lugar na un cas na Seroe Blanco diahuebs atardi. Vocero suplente di polis Liliana Rasmijn a confirma esaki. Tabata pa 3:37pm di atardi central di polis a keda notifica di un atraco cu lo a tuma lugar na un cas na  Seroe Biento.

HOMBER ARMA

Na yegada di patruya di polis ta bin compronde cu probablemente un hende homber cara tapa cu un arma di candela lo mester a atraca e persona na e cas. E atracador lo mester ta tin un t-shirt color oranje y short preto bisti. E la papia papiamento . 

KICO A BAY CUNE

E la bay cu un telefoon cellular. Despues e sospechoso lo a hui na pia , direccion pabao. Atraco Team a presenta na e sitio di e sucedido pa asina haci nan investigacion.  Tambe polis technico y departamento di slachtofferhulp. Ken cu sa algo of a wak algo jama e tiplijn di polis cu ta 11141.