Aruba Bank a haci donacion na Cacique Macuarima School

Posted on 01/14/2020 5:22 pm AST | Updated on 01/14/2020 5:23 pm AST

ORANJESTAD - Aruba Bank a tuma nota di e noticia cu a sacudi nos comunidad, ora cu actonan di vandalismo na Cacique Macuarima school a culmina den incendio y a caba cu cuatro (4) les lokaal, strobando les na e muchanan.

Di biaha a mobilisa den e institucion financiero pa sostene e Cabesante di Cacique Macuarima, Sra. Rachelle Croes-Caster, maestronan y Asociacon di Mayornan di e scol, pa yega na e fondonan necesario pa reconstrui e parti di e edifico cu a kima y cumpra e material cu a perde, pa e muchanan por reanuda nan lesnan mas pronto cu ta posibel.

Aruba Bank a reuni cu e cabesante dia 14 di januari atardi na e scol mes pa presenta e bunita suma di AWG.10,000 como parti di e inversion pa yuda cubri gastonan di material, banki y restauracion di e edificio pa e muchanan.  

Nos ta encurasha nos comunidad bini hunto pa duna un man pa sostene nos educadornan y e alumnonan di Cacique Macuarima cu mester di e ayudo inmediato.

  • A logra detene 6 indocumenta marduga cu a subi tera na Aruba

    A logra detene 6 indocumenta marduga cu a subi tera na Aruba

    ORANJESTAD - Awe marduga Wardacosta a haya un notificacion di militarnan cu ta patruya rond di e costanan di Aruba cu personanan indocumenta ta purba yega tera. Mesora a pasa e informacion pa KPA cual a dirigi nan patruya y helicopter na e area. KPA a logra detene 6 persona indocumenta y lo sigui cu e accion di buskeda durante di dia. Wardacosta tambe a saca un patruya di Metal Shark pa hasi buskeda di e lancha cu a baha e indocumentadonan na tera, pero no a logra intercepta esaki.

  • Wever: Via concientizacion, kier limita eventual resistencia den comunidad pa vacuna pa COVID19

    Wever: Via concientizacion, kier limita eventual resistencia den comunidad pa vacuna pa COVID19

    ORANJESTAD – Manera ya raporta anteriormente awe, Aruba ta en espera di e vacuna pa cu COVID19. Pero kico ta pasa si resulta cu un gran cantidad di nos hendenan no kier e vacuna aki, y si e grupo aki tambe ta forma parti di e grupo di riesgo, cu ta e prome pa ricibi esaki. Gobierno inicialmente a bisa cu nan lo suministre na cierto grupo prome, y no tin un plan ainda pa implementa esaki di forma obligatorio. Pero si resulta cu ta necesario, lo tin cu delibera riba e posibilidad aki. 

  • FHMD ta lansa “ORANGE THE WORLD 2020”

    FHMD ta lansa “ORANGE THE WORLD 2020”

    ORANJESTAD - E aña aki Fundacion pa Hende Muhe den Dificultad ta organiza nan seminario di Orange nr. 5 y debi na e situacion di COVID19 esaki ta bay ta virtual pa medio di un Webinar. E tema pa 2020 ta “Husticia Restaura? (Restorative Justice?)”. Fundacion pa hende muhe den dificultad ta invita un y tur cu ta interesa den e topico aki pa join e conferencia virtual den 3 parti aki cu ta completamente gratis. Ban haya sa kico kier meen 'condena abuso', kico ta nifica para cu e victima y na unda e husticia restaura ta para? E conferencia virtual ta un combination di presentacion y dialogo y session di pregunta y contesta via Facebook Live.

  • E Bus di Creando Speranza ta sigui sorpresa cliente

    E Bus di Creando Speranza ta sigui sorpresa cliente

    (ADVERTORIAL)

  • Hopi atencion pa e avion Hulandes cu a trece minister Stef Blok Aruba dialuna

    Hopi atencion pa e avion Hulandes cu a trece minister Stef Blok Aruba dialuna

    ORANJESTAD – E avion gubernamental Hulandes PH GOV cu a yega Aruba dialuna merdia, a hala hopi atencion. E ta un avion tipo Boeing 737 BBJ (Boeing Business Jet) cu gobierno Hulandes a cuminsa uza 2 aña pasa. E la costa 90 miyon euro y a haya e registracion PH-GOV. E GOV ta para pa ‘government’ osea gobierno. E avion ta carga 26 persona y e interior tabata pa cuenta di Fokker Technologies. E avion a yega Aruba cu minister di relacionnan exterior Stef Blok y delegacion, cu ta den un biahe di trabou den e area aki. E ta na Aruba pa un of dos dia, pa e.o. atende e reunion di Reino pa islanan den Caribe riba relacionnan exterior. Potret portal cortesia Triple A NV. Potretnan di interior, cortesia Fokker Techniek. Demas potret ta cortesia 297 spotters. 

  • Fanaticonan di banda of publico en general no por para wak e banda toca na un establecimento

    Fanaticonan di banda of publico en general no por para wak e banda toca na un establecimento

    ORANJESTAD – Mientras cu a habri e posibilidad pa bandanan por presenta completo riba tarima entrante diamars awor, 24 di November 2020, no ta nifica cu nan por bin cu nan ‘fansnan’ cu ta sigui nan normalmente. Asina prome minister Evelyn Wever a sigura e portal aki dialuna durante un conferencia di prensa dialuna mainta riba COVID19. Ta keda na responsabilidad di e establecimento cu ‘contrata’ e banda of grupo, pa tene nan mes na e reglanan.

  • Powered by SETAR