DIMAS cu procedura transitorio pa pagonan di permiso

DIMAS cu procedura transitorio pa pagonan di permiso

Posted on 01/14/2020 4:42 pm AST | Updated on 01/14/2020 4:43 pm AST

ORANJESTAD - DIMAS a informa tur su clientenan y partners cu entrante dia 15 di januari 2020 lo introduci un otro procedura transitorio pa locual ta trata e orden y forma con clientenan di DIMAS lo tin di cumpli cu nan pago pa productonan di DIMAS.

DIMAS ta innovando y ta den un fase di transicion pa cu e manera con lo ofrece su servicionnan y productonan. Den curso di e promer parti di an?a 2020 DIMAS ta bay introduci gradualmente e posibilidad pa su clientenan haci peticionnan online. Publico lo wordo introduci na e portal nobo di DIMAS, cu tur su beneficionan na su debido tempo.

E cambionan mas importante na e momentonan aki pa cliente di DIMAS ta lo siguiente:

Cliente di DIMAS lo por haci su pago di DIMAS solamente cu un “Betaalorder checklist”, esaki ta un orden di pago digital cu DIMAS ta emiti.

E “Betaalorder checklist” ta inclui

- e datos personal di e cliente di DIMAS,

- su number di cliente (CRV), y tambe

- tin un barcode y ta inclui un serie di number (= number di e orden di pago).

Con e procedura transitorio di cancelacion di pagonan di DIMAS lo ta entrante di 15 di januari 2020?

1. Cliente di DIMAS mester traha nan cita online (website www.dimasaruba.aw) pa bin haci su aplicacion.

2. Dia di e cita, e cliente di DIMAS ta presenta na DIMAS, pa haci entrega di su peticion pa e producto di DIMAS (sea cu ta un permiso di estadia of un declaracion di constancia of ta otro) y e cliente di DIMAS ta alabes entrega tur documento cu ta indica cu ta necesario pa por evalua e peticion pa e producto pidi.

3. DIMAS lo emiti na e momento ey un “Betaalorder checklist” na e cliente di DIMAS specificando e suma(nan) cu mester paga, mediante su email adres personal. Ta hopi importante pa e cliente di DIMAS tin su email adres personal corecto y accesibel.

4. Cliente di DIMAS por procede pa haci e pagonan indica riba e “Betaalorder checklist” sea via * Billpayment di Aruba Bank

* Billpayment di Banco di Caribe of

* na un di e oficinanan di DIMP ubica na e MFA-nan unda por paga cu debit card (swipe) solamente.

5. Cliente di DIMAS cu a haci nan pago online of na un MFA cu nan “Betaalorder checklist” dentro maximo 7 dia calendario, no mester presenta un biaha mas na DIMAS pa demostra e comprobante di pago. DIMAS mes lo ricibi un notificacion automatico di e pago realisa pa e cliente di DIMAS y lo percura pa e proceso di evaluacion di e peticion lo sigui cana

6. Cliente di DIMAS cu no percura pa cancela e pago indica riba e “Betaalorder Checklist” dentro di e periodo di maximo 7 dia calendario, lo ricibi un notificacion di e cancelacion/anulacion di e peticion.

En corto e cambionan cu lo bin na vigor desde 15 di januari 2020 ta lo siguiente:

Antes, te cu 14 di januari 2020

Entrante 15 di januari 2020

Cliente ta haci su pago di permiso na Departamento di Impuesto y ricibi un stempel prome cu acudi e cita pa entrega su documentonan na DIMAS

E cliente ta acudi na DIMAS dia di su cita. Durante di e cita na DIMAS e cliente ta ricibi un “Betaalorder Checklist”, via e emailadres cu e provee DIMAS, pa asina e por haci e pagonan.

 

E pagonan ta wordo haci na Departamento di Impuesto of na e booth di Departamento di Impuesto den e edificio di DIMAS

Despues cu e cliente ricibi su “Betaalorder Checklist” e por scohe pa haci e pago sea via e opcion di:

Billpayment di Aruba Bank of Banco di Caribe of por pasa na cualkier MFA y cumpli cu su pago via di e mashin di swipe.

Departamento di Integracion, Maneho y Admision di Stranhero ta pidi tur cliente encarecidamente pa tene cuenta cu e cambio transitorio menciona aki riba. Den caso cu tin cualkier pregunta por tuma contacto libremente cu DIMAS via di e pagina di Facebook of e contactformulier riba nan website www.dimasaruba.aw.

  • Aruba a habri frontera pa Merca cu 0 COVID test positivo

    Aruba a habri frontera pa Merca cu 0 COVID test positivo

    Aruba a habri su frontera pa Merca cu 0 test positivo

  • Aruba Airlines: COVID-19 test no ta aplicable mas pa residentenan di islanan ABC

    Aruba Airlines: COVID-19 test no ta aplicable mas pa residentenan di islanan ABC

    ORANJESTAD - Aruba Airlines ta sumamente contento pa informa nos comunidad cu nos vuelo nan pa Korsou ta continua y nos ta sigui sigura nos comunidad cu Aruba Airlines ta continua cu ejecucion di e diferente protocol nan pa asina por salvaguardia e seguridad y salud di tur nos empleado nan y kada un di nos pasajero nan.

  • Noticiacla ta ripiti entrevista exclusivo pa Aruba cu Raymond Knops awe tardi 6’or

    Noticiacla ta ripiti entrevista exclusivo pa Aruba cu Raymond Knops awe tardi 6’or

    ORANJESTAD – Noticiacla.com ta ripiti e entrevista exclusivo pa Aruba cu secretario di estado Hulandes Raymond Knops, pa 6’or awe diabierna atardi riba e pagina di di Facebook di Noticiacla. No perde. Periodista Tito Laclé lo haci e mandatario tur e preguntanan relevante riba e temanan actual. Esnan cu no tin Facebook, por wak e riba e app di noticiacla.com of riba e website, y tin cu busca e button di LIVE. NO perde!

  • SMOA na Obispo: No tin motibo pa e directiva retira

    SMOA na Obispo: No tin motibo pa e directiva retira

    ORANJESTAD – Directiva di SMOA den un carta di tres pagina diahuebs a contesta Obispo Luis Secco, y no ta mustra cu nan lo duna oido na e peticion di Obispo pa retira como directiva. Mas concreto, presidente di e directiva Robert Croes II, ta bisa cu ‘no tin motibo presente pa e directiva retira”. Den e carta,   Croes a sigui repasa punto pa punto y mas bien ta cuestiona Obispado su actitud, y ta mustra di ta sorprendi cu esaki. Pero den e carta, e no ta informa Obispado cu nan lo duna oido na e peticion di retira den 72 ora di tempo. Es mas, kier pa Obispado splica nan punto. 

  • NGO conoci Rainbow Warriors ta manda carta pa gobierno Hulandes

    NGO conoci Rainbow Warriors ta manda carta pa gobierno Hulandes

    ORANJESTAD – E organisacion no gubernamental (NGO) conocio, Rainbow Warriors International cu su presidente Milton Ponson a manda un carta pa gobierno Hulandes, desaprobando e accion di Hulanda pa dentro di 4 dia, pone gobierno di Aruba, Corsou y St Maarten, tuma un decision sin consulta cu gremionan, riba medidanan cu tin impacto grandi riba maneho di nos pais. “Como organisacion di derecho di hende, cu tambe por medio di Corruption Watch Aruba a bringa contra corupcion, nos por constata cu tanto RMR, y Tweede Kamer ta traiciona e espirito, e intencion, y contenido di e statuut di Reino Hulandes”. Segun RW, e aprobacion cu Hulanda ta purba impone riba 10 di juli proximo, Hulanda ta elimina tur apariencia cu riba e islanan, conforme e intencion di e Sustainable Development Goals di Nacionan Uni, y ta hiba tur e stakeholdernan hunto den e proceso di decision cu ta afecta e desaroyo ecologico, duradero y economico di e islanan. Lesa e carta completo AKI. 

  • Encuesta: Mayoria kier pa Aruba acepta ley di reino sin mas,di Hulanda pa fia placa

    Encuesta: Mayoria kier pa Aruba acepta ley di reino sin mas,di Hulanda pa fia placa

    ORANJESTAD – Mayoria di esnan cu a participa riba na e encuesta di NoticiaCla riba Facebook, a scohe pa Aruba acepta e ley di Reino manera cu Hulanda a present’e aworaki pa fia placa. Esey ta 56% di e 2800 personanan cu a participa na e encuesta. E grupo cu a bisa no, tabata menos (44%) di e cantidad di participantenan. E encuesta riba Facebook tabata duna solamente dos opcion, esta un si of no y a keda haci pa 24 ora. 

  • Powered by SETAR