Minister Knops sumamente impresiona cu trabou di FHMD

Posted on 01/14/2020 10:03 am AST | Updated on 01/14/2020 10:06 am AST

ORANJESTAD – “Mi tabata sumamente impresiona riba e manera cu ta wordo traha eynan”. Palabra di minister Hulandes pa relacionan exterior Raymond Knops durante su bishita na Fundacion pa Hende Muher den Dificultad. E mandatario a bishita e facilidad ey dialuna durante su bishita, den cuadro di fondonan cu Hulanda a pone disponibel pa esaki. E ta contento di mira con esaki ta wordo atendi door di e grupo. “Tanto di e recepcion di hende, particularmente muher y muchanan cu ta afecta, pero tambe informacion duna na scolnan pa evita cu cosnan asina (violencia domestico) sosode”. E mandatario ta contento cu debi na e contribucion di Hulanda, por expande e capacidad di recepcion, y cu tin plan pa realisa e expansion e aña aki tambe. “Mi tin tur confiansa cu esaki ta sosode positivamente tambe” e mandatario a bisa, elogiando e directora tambe di e facilidad y tur hende cu ta traha eynan. Potret cortesia Gabinete Wever Croes. 

  • Noticiacla LIVE awe nochi cu lider di partido Futuro Nobo, Miguel Mansur Jr

    Noticiacla LIVE awe nochi cu lider di partido Futuro Nobo, Miguel Mansur Jr

    ORANJESTAD – Noticiacla LIVE ta presenta su siguiente edicion diamars anochi 9’or cu invitado Miguel Mansur Jr, lider di partido politico nobo Futuro Nobo. Durante e programa aki bo lo conoce e persona aki y e partido y kico tur lo por spera di dje. No perde e programa aki, cu ta pasa riba tur plataforma di noticiacla, esta website, app y Facebook page. Pa e website y e app, corda busca e palabra LIVE pa asina bo por wak esaki. E programa ta pasa pues awe nochi 9’or. No perde!

  • SCP: Total di 97% di e 31 proyectonan a conoce progreso

    SCP: Total di 97% di e 31 proyectonan a conoce progreso

    ORANJESTAD – Un total di 97% di e 31 proyectonan di Sociaal Crisis Plan a conoce progreso. Asina un raportahe oficial recientemente entrega na Parlamento ta mustra, segun e comunicado di e departamento.  Manera ta conoci, desde aña 2018 Sociaal Crisis Plan (SCP) ta trahando hunto cu 20 diferente socio den sector social, hudicial, enseñansa y salubridad cu e meta pa fortifica e sistema nacional di proteccion di mucha y hoben aki na Aruba. 

  • Awacero fuerte a suta Aruba atrobe diamars merdia

    Awacero fuerte a suta Aruba atrobe diamars merdia

    ORANJESTAD – Un palo di awacero diamars merdia a laga varios parti di Aruba ‘atrobe’ bou di awa. E tempo tabata pronostica, pero no specificamente manera cu el a cay fuerte entre merdia y 3or di awe tardi. Esey a pone cu toch basta hende a wordo gara pa sorpresa, cu su consecuencia cu esaki por tabatin. Atrobe Watty Vos Boulevard a bira e blanco di critica ora cu atrobe mester a cera parti di dje pa motibo cu e tabata intraficabel, manera potret nan ta mustra. Fuera di esaki, tabatin varios auto cu a pega riba caminda, y casnan cu a yena cu awa. Pero e diferencia ultimo añanan ta cu debi na trabou nan di infrastructura na e lugarnan ‘di custumber’ a pone cu e awa ta ‘disparce’ hopi mas lihe y asina causa toch ‘menos’ molester. Segun servicio meteorologico, aeropuerto a registra mas hopi awacero unda cu a cay un total di 30.8 mm mientras cu na Sta Roza tabatin 14.6 mm y na West Punt apenas 7.5mm. Remarcable ta algun lugar crucial, manera hospital  semper ta bira blanco aunke cu e construccion ta recien. Videonan cu a circula riba rednan social ta mustra e problema cu hospital tabatin cu e situacion di awa. Tambe na e pompstacion na Palm Beach, atrobe tabatin un problema unda cu e awacero a inunda henter e area haciendo esaki intraficabel. 

  • Conocido medico y ex minister Leonard Berlinski a bay sosega

    Conocido medico y ex minister Leonard Berlinski a bay sosega

    ORANJESTAD – Conocido medico y ex politico Leonard Berlinski (79) a fayece diamars mainta. Famia a confirma esaki pa noticiacla, informando cu el a fayece den su soño aki na Aruba. Fuera di tabata un medico conoci, e tabata miembro di e prome gabinete Henny Eman (1986) ora cu Aruba a ricibi su status aparte, como minister di Economia y Turismo pa Partido Democratico Arubano (PDA)y a fungi den e funcion aki pa un periodo di 4 luna. E ta laga atras cu señora Sra. Astrid Berlinski y dos yiu Loniah y Leonardo. E noticia den proceso. Keda pendiente pa un raportahe mas amplio dentro di poco. 

  • Atrobe ICU tin pashent di COVID19 interna cu mester atencion

    Atrobe ICU tin pashent di COVID19 interna cu mester atencion

    ORANJESTAD – Apenas un dia despues cu a bin e noticia positivo cu no tabatin pashent di COVID19 mas den cuido intensivo, esaki a cambia bek. For di dialuna, cos a ‘empeora’ atrobe di tal forma cu 2 persona a keda interna den ICU pa motibo di e virus, y cu ne, 10 hende extra. Awe diamars, e situacion ey ta keda mescos, pero a bin un persona acerca den piso regular, haciendo e conteo 11 den piso regular. Esaki ta mustra cu e situacion ta keda uno volatil, unda cu mester ta hopi cuidadoso cu informacion riba e tema aki, ya cu e situacion ta cambiando constantemente. E positivo ta si cu e cantidad di pashent a keda reduci basta drastico.  

  • Censo Piloto 2019: Papiamento ta e idioma mas uza na cas

    Censo Piloto 2019: Papiamento ta e idioma mas uza na cas

    ORANJESTAD - Den preparacion pa Censo 2020, Departamento di Estadistica (CBS) ta informa tocante e resultado di e Censo Piloto haci den e luna di October 2019. Un di e preguntanan cu a wordo haci, tabata  pa scoge entre e dos idiomanan mas papia na cas. E resultado ta mustra cu Papiamento ta e idioma mas uza na cas, sigui pa Spaño, Ingles y Hulandes.

  • Powered by SETAR