DIP a constata construccion illegal den besindario di Bucutiweg

Posted on 01/14/2020 9:15 am AST | Updated on 01/14/2020 9:15 am AST

ORANJESTAD – Recientemente durante control DIP a bin constata un construccion ilegal den vecindario di Bucutiweg cu ta tumando lugar, na unda cu esnan responsabel a korta varios cadushi, mangroven y matanan cu ta protehi pa ley. Alabes, e construccion cu ta tumando lugar, ta cay den un area protehi pa ley (Natuurgebied). Inmediatamente a involucra varios departamento di Gobierno pa presenta na sito pa nan por traha un rapport di e caso. 

Como DIP a constata cu nan a cuminsa rosa sin un: 

1.      “Aanlegvergunning”

2.      Nan no tin permiso pa construi riba e sitio

3.      E area unda cu nan kier construi, ta protehi pa ley desde aña 2009 na momento cu e ROP a bin na vigor, y tambe den e ROP nobo di 2019. E ta cay den Natuurgebied.

DNM a constata cu:

1.      A korta varios cadushi “Stenocerus Griseus” cu ta protehi den nos leynan

2.      A Korta mata di “Wayaca”

3.      A korta algun “Mangroven” tambe na e sitio.

Despues cu a Analisa tur e daño cu a wordo cometi na e sitio, y na e momento ey na DIP no tabata conoci kende ta esnan responsabel pa e acto aki, a opta cu diabierna mainta lo sali cu un team pa ruim op. Pa suerte e mesun team a regresa na e sitio diahuebs den horanan di atardi, y nan a bin encontra un persona na sitio, cu no por a demostra ningun document legal. A dune orden pa e para e construccion di biaha, y pa ruim op tur cos.

Diabierna mainta na yegada di e varios departamentonan pa cuminsa ruim op, 2 persona responsabel pa e construccion illegal a presenta na sitio y pa splica cu nan a haci un peticion pa nan obtene e lugar pa nan por construi. Empleadonan di DIP a splike cu DIP no tin nada registra y cu e mester cuminsa haci e lugar limpi, y si e no por, DOW lo haci esaki, y lo bay riba su costo. Ambos a opta pa yama un reunion cu character di urgencia cu Director di DIP pa presenta nan caso pa dilanti, Na final, Director a splicanan no ta pasobra cu bo a solicita pa un permiso, esey ta duna bo derecho pa cuminsa construi di biaha. Bo persona mester cana e caminda manera tur hende, y mester warda riba bo aprobacion pa construi legalmente. A informa ambos persona cu DIP lo duna nan un total di 5 dia, pa nan por ruim op tur cos for di e sitio. 

Di parti DNM, ambos persona a wordo informa cu lo tin un proceso cu mester cuminsa cana su lugar, pa e dañonan cu a wordo cometi na e sitio. Esaki lo por resulta den un multa. Tur intencion ta mustra cu lo kier a construi un Rancho sin permiso nan necesario. Como DIP aña pasa a haci un jamada pa tur hende cu tin un rancho, pasa na DIP y registra esaki, pa asina nos por sa cuanto rancho tin rond di Aruba y kende ta e doñonan. 

Locual cu DIP ta constatando cu varios persona awo ta core y ta construi rancho y despues kier bin registra esaki. DIP kier avisa, cu esaki lo no wordo tolera y lo actua contra tur esnan cu no ta aparece riba e mapa prome cu e jamada pa re-inscribi.

 

Un biaha mas, e mensahe di DIP ta, pa nos comunidad actua conforme ley ta prescribi, pa evita cu mayan bo persona lo haya problema cu ley y un gasto insperadamente.

  • FADA a lansa video nobo di amigoDidi pa Carnaval

    FADA a lansa video nobo di amigoDidi pa Carnaval

    ORANJESTAD - Diaranson merdia Fundacion Anti Droga Aruba (FADA) a  lansa e video mas nobo di #amigiDidi pa temporada di Carnaval. E ta pa concientisa tur hende riba e efectonan di alcohol y con tin cu atende cu esaki durante e periodo di Carnaval. E ta sigui dos persona cu ta dal drinks den carnaval, y uno ta bay cas cu lift mientras e otro ta bay su mes y ta wordo para pa polis, y ta keda deteni pasobra a supla di mas. 

  • Cacique Macuarima School a haya luz pa seguridad y flatscreens

    Cacique Macuarima School a haya luz pa seguridad y flatscreens

    MACUARIMA – Mientras cu preparacionan ta sigui pa drecha Cacique Macuarima School despues di e candela cu a destrui algun lokaal siman pasa, donacionan ta sigui drenta. E noticia mas nobo ta cu Elmar a instala luznan na diferente area pa iluminacion den oranan di anochi. Esaki tabata un donacion commercial tambe, mientras cu varios flat screen grandi a keda duna tambe pa otro comerciante.  

  • Turismo balansa tabata topico di AHATA su Asamblea General

    Turismo balansa tabata topico di AHATA su Asamblea General

    ORANJESTAD -  Aruba Hotel & Tourism Association (AHATA) su asamblea general di Januari a inclui orador internacional, experto den biahe y turismo sostenibel, Sr. Doug Lansky. E tema di su presentacion tabata: Turismo Balansa. 

  • DVG ta sigui caso di coronavirus di cerca pa Aruba

    DVG ta sigui caso di coronavirus di cerca pa Aruba

    ORANJESTAD – Departamento di Salud di Aruba ta siguiendo e caso di coronavirus (di China) hopi di cerca. Asina nan a informa den un comunicado. Dia 31 di December World Health Organisation (WHO) a wordo notifica aserca di casonan di pulmonia cu tawata aumentando na Wuhan China, di cual e causante a wordo identifica como un Novel Corona Virus. E prome caso identifica a wordo epidemiologicamente relata na un seafood market den Wuhan China. 

  • Tur grupo di empleado di CITGO a haya y acepta e pakete revisa

    Tur grupo di empleado di CITGO a haya y acepta e pakete revisa

    SAN NICOLAS – Tur grupo di empleado di CITGO Aruba Refinery a bay di acuerdo cu e oferta ‘revisa’ di e compania. Fuentenan yega na e negosacion a confirma esaki pa noticiacla.com, aunke no por a divulga e detayes di e acuerdo y a papia awor a base di promesa cu no ta divulga nan identidad. Ademas, e acuerdo (aunke detayes no ta conoci) ta practicamente igual na esun cu e grupo di trahado aña pasa februari a logra ora cu nan a retira. Cu esaki, ta parse cu e problemanan laboral na e refineria ta tras di lomba, y cu tur hende lo por keda ‘contento’ bou di e circumstancia. No ta conoci ainda si, ken ta esnan cu ta keda ni ken ta bay. E cantidad di trahadonan cu ta haya e pakete aki ta 76. E prome oferta di e refineria a keda rechasa debi cu e tabata te hasta inferior na un grupo di trahado cu a haya un oferta un aña pasa. Presion di tanto gobierno como prensa, local y internacional a pone cu CITGO a opta pa bay sinta na mesa bek, y renegosha e acuerdo cu awor si e trahadonan a bay di acuerdo cu ne. Y cu esaki, si mester tin retiro, gobirno mas sigur lo por otorga esaki conforme e acuerdo nobo.   

  • SETAR ta informa riba posibel interupcion di servicio

    SETAR ta informa riba posibel interupcion di servicio

    ORANJESTAD - SETAR ta informa cu debi na trabounan di mantencion  riba e red di mobile data y internet lo por tin interupcion di servicio di Internet, Mobile y EVPN riba diaranson 22 di januari 2020 di 12:01 AM pa 1:01 AM . SETAR ta pidi disculpa pa cualkier inconvenencia.

  • wind creek enero3
  • Powered by SETAR