Parlamento tratando dos ley di salud

ORANJESTAD - Parlamento di Aruba ta tratando dos ley dialuna mainta, pa sigui fiha normanan di calidad den salubridad. E leynan cu ta wordo trata ta e ley Marco, y e ley di BIG.

E ley Marco ta crea un cuadro legal cu mester wordo yena cu normanan specifico pa areanan specifico di cuido medico. Cu tempo lo fiha hunto cu expertonan, patientnan, docter y para-mediconan, e normanan cu mas lo yuda mehora calidad den cuido medico y lo yuda proteha e patientnan. Control lo corigi y preveni mal practica medico y lo sigura miho calidad na tur pacient, rico y pober.

BIG registratie

E otro ley ta e registro di medico y para-mediconan. Ora un docter of para-medico cu segun ley mester ta registra pa por traha na Aruba, no registra, ta nifica cu e no lo por traha na Aruba. Esey ta evitacu por ehempel un influx di medido cu por drenta Aruba u cuminsa traha sin cu nan ta registra oficialmente. Sin embargo e ta keda un topico ‘controversial’ debi cu e tin su discrepancia cu ta pone cu docternan local, studia na den region cu no ta BIG registra, no por traha na Aruba sin mas.