Encuesta ta mustra cu mayoria na Aruba no sa ki pa haci ora di tsunami

Encuesta ta mustra cu mayoria na Aruba no sa ki pa haci ora di tsunami

Posted on 01/13/2020 10:15 am AST | Updated on 01/13/2020 10:33 am AST

ORANJESTAD – Entre un grupo di persona encuesta, ta resulta cu gran mayoria (76%) di persona no ta na altura kico nan tin cu haci ora cu bin un alerta/aviso di tsunami pa Aruba. Un total di 791 persona cu a participa na e encuesta di e portal aki a contesta ‘no, niun idea’ riba e pregunta ‘Abo sa kic pa haci ora tin alarma pa Tsunami pa Aruba? ‘. Esnan cu a contesta ‘si, mi sa’, tabata menos esta 24% cu ta 248 persona entre e mil (1000) persona cu a participa na e encuesta. Mientras cu e encuesta no ta oficial y no necesariamente representativo, e ta duna un bista si di kico ta biba den comunidad. Esta, cu di mil hende, 2/3 parti no sa kico pa haci. 

ALARMA 

Diabierna atardi dado momento tabatin un momento di ‘crisis’ mediatico ora cu un carta interno entre departamento (den e caso aki manda di parti di hefe di DVG pa departamentonan di salud). E carta mientras tabata uno real, su intencion no tabata pa keda publica den medionan di comunicacion, sino meramente informa esnan envolvi cu mester ‘update’ e preparacion pa cu un tsunami, debi na e situacion di temblornan na e isla di Puerto Rico. Pero e carta a subi rednan social, creando e panico necesario den comunidad. Esaki pasobra lo a usa un palabra ‘robez’, esta ‘warning’ y ‘watch’. 

  • Powered by SETAR