Premier Wever lo toca finanzas y aanwijzing cu Knops dialuna

ORANJESTAD – Gobierno di Aruba (lesa:premier Evelyn Wever Croes) lo toca e tema di finanzas publico y e menasa di aanwijzing cu minister Hulandes Raymond Knops dialuna mainta durante e bishita di e mandatario. Asina e prome mandatario a bisa noticiacla.com diadomingo anochi. Fuera di e temanan ey, lo toca mas tema cu bin dilanti. E presupuesto 2020 actual ta na Raad van Advies pa despues e keda trata den Parlamento. E deadline pa trata y aproba esaki segun palabracion cu Hulanda, ta januari 2020. E mandatario Hulandes lo reuni cu Gobernador tambe y efectua bishita na Imsan, tambe Fundacion pa Hende muhe den Dificultad, tambe  pa wak e fondonan cu Hulanda a pone disponibel den cuadro di crisis di Venezuela y mas tema. E mandatario Hulandes lo biaha pa Bonaire diamars. Den ora di atardi, e mandatario lo tene un conferencia di prensa pa un relato di su bishita.