Alerta pa biento duro na Aruba extendi te diamars

ORANJESTAD - E alerta pa bientu duro emiti siman pasa pa servicio meteorologico a keda extendi te por lo menos diamars atardi 6'or. Un aviso pa boto chikito pa lama habri y specialmente areanan cerca di costa oost te noordwest ta na vigor te otro aviso. 

SYNOPSIS 

Un area di precion halto riba atlantico ta causando diferencianan di presion grandi den region di caribe. biento lo bai supla cu mas o menos 22 te 27 nudo y ta anticipa cu lo por tin rafaganan cu de bez en cuando lo por yega 35 te kisas 40 nudo (beaufort 8) especialmente durante di un posibel awacero. Esaki lo haci cu lama na su turno tambe lo bira bruto.

ACCION DE PRECAUCION 

Ta pidi publico pa tene cuenta cu e biento duro y especialmente na usuarionan di lama y marineronan ta wordo urgi pa tene cautela riba lama habri y cerca di costa ya cu e biento duro lo bai causa lama localmente bastante bruto.  Cuidao extremo mester wordo tene na costa noord y ta pidi usuarionan di lama y doñonan di boto chikito pa no aventura na costa noord.