UPDATE: Eleccionan di Prins cu Pancho di Carnaval tin orario nobo 

UPDATE: Eleccionan di Prins cu Pancho di Carnaval tin orario nobo 

Posted on 01/11/2020 5:06 pm AST | Updated on 01/11/2020 5:08 pm AST

ORANJESTAD - Diabierna ultimo e eleccion di Prins cu Pancho Infantil mester a tuma lugar den Carnival Village. Door di e situacion di tempo no por a continua cual a wordo posponi pa Diadomingo awor 12 di Januari 2020 den Carnival Village. MAC a informa cu ticket sales ta cuminsa pa 3 or di atardi, porta ta habri 4pm i presentacion di nos prins cu pancho ta cuminsa pa 5pm. E orario ta debi cu nos kier pa nos mucha nan termina cu nan presentacion tempran pa por bai cas ya cu Dialuna tin scol. 

SMAC a invita henter pueblo di Aruba pa bin apoya nos Prins cu Pancho nan, tanto Infantil, Hubenil i Grandi den Carnival Village. Ticket nan prebenta ta obtenibel na Citgo Blvd. Of na Citgo Essoville na balor di AWG. 5,00 pa Mucha te cu 12 aña y AWG. 10,00 pa persona di 13 aña pa’riba.

Adhunto e candidato nan pa Prins cu Pancho;

Categoria Infantil;

Ezequiel Naarh ( Prins Cansa ) i Eden Antersijn (   Pancho Fada ) 

Devin Geerman ( Prins Ami ) i Edrick Kock ( Pancho Cune ) 

Leandray Gomes ( Prins Sak ) i Noah Kelly ( Pancho Abou ) 

Ryand Filiciana ( Prins Muti ) i Albert de la Cruz ( Pancho Talent ) 

Categoria Hubenil;

Genevan Maduro ( Prins Ley ) i Gionrick Navas ( Pancho Pa Tur ) 

Alexander Donata ( Prins Djaki ) i Brandon Dirksz ( Pancho ( Djaya ) 

Categoria Grandi;

Jerwin Mercera ( Prins Semper ) i Kevin Richardson ( Pancho Laat ) 

Kawi Missier ( Prins Duna ) i Samuel Winklaar ( Pancho Balor ) 

Roberto Hernandis ( Prins Spaghetti ) i Gerald Sarda ( Pancho Meatballs )

  • Aruba a conoce su Reinanan di Carnaval 66 diadomingo marduga

    Aruba a conoce su Reinanan di Carnaval 66 diadomingo marduga

    SAN NICOLAS – Aruba a conoce su reinanan di Carnaval 66 diadomingo marduga. Despues cu a saca e reina infantil (wak otro raportahe) tabata den careda di  2:30am cu Aruba a cera conoci cu su Reina Hubenil, e hobencita Alysa Simon representando Kiwanis Builder Club. Alysa Simon a bay cu e titulonan tambe di: Popular - Best Show - Best Speech - Best Costume. Di prome finalista a keda den e hobencita Tychessa Melo representando Champagne Carnival Group y el a gana tambe e titulonan di: Best Makeup y Best Dress. Y di dos finalista ta Jayleen Croes represantando Majestic Carnival Group y a gana tambe e titulonan di Youth Queen MAS Setar

  • Jo Amy Morcillo a bira Reina Infantil di Carnaval 2020

    Jo Amy Morcillo a bira Reina Infantil di Carnaval 2020

    Durante e prome parti di e Eleccion di Reina di Aruba su Carnaval 66, Aruba a cera conoci cu Reina Infantil 2020. Despues di 5 aña districto di Noord ta haya corona bek, ora cu su representante Jo-Amy Morcillo a conkista e titulo maximo como Reina Infantil di Aruba. E anochi a bay un poco turbulento si, mirando cu 3 biaha tabatin fayo tecnico cu zonido y dos reina infantil mester a haci nan show di nobo. Esaki sigur a causa basta disgusto cerca e fanatico-, televidentenan y publico presente. Comision a dicidi pa tuma un tempo pa drecha e sistema y despues sigui cu e eleccion. Jo-Amy Morcillo a conkista casi tur tambe: Lil Princess of Setar - Popular - Best Speech - Best Show - Best Costume - Best Dress. Di dos finalista y tambe Best Makeup tabata e princesita Yoenni Diaz Marin, representando districto di Paradera y prome finalista tabata e princesita Khloë Destiny Dabian, representando TOB. Potret cortesia ClickAruba.com

  • A entrega 21.500 peticion pa reparti 180 kavel

    A entrega 21.500 peticion pa reparti 180 kavel

    ORANJESTAD - Diamars den oranan di merdia a tuma luga sorteo di e kavelnan cu ta wordo otorga pa e.o. e parada na Playa.Un total di 22.056 peticion a wordo haci di cual 21.500 tabata pa e ruta di Playa. E persona cu haya un kavel ta paga un poco mas cu 160 florin pa por haci uzo di e kavel. 

  • Gana costume di Empire Carnival Group cu Coca Cola y Coca Cola No Sugar

    Gana costume di Empire Carnival Group cu Coca Cola y Coca Cola No Sugar

    (ADVERTORIAL)

  • Aruba su Prins y Panchonan pa carnaval 2020 ta conoci

    Aruba su Prins y Panchonan pa carnaval 2020 ta conoci

    SAN NICOLAS - Diadomingo ultimo a tuma lugar eleccion di Prins cu Pancho. Esaki ta debi cu Diabierna tabata tin hopi awasero i biento super fuerte esey a pone cu a move e eleccion aki pa Diadomingo ultimo. Potretnan ta cortesia di ClickAruba.com

  • Ganadornan di Calypso y Roadmarch Contest di mucha ta conoci

    Ganadornan di Calypso y Roadmarch Contest di mucha ta conoci

    SAN NICOLAS - Diasabra ultimo a tuma lugar den Carnival Village e Children & Youth Calypso & Roadmarch Contest 2020. Mester bisa cu tur cos a kana manera mester ta. Porta a habría na ora i e festival a cuminsa manera tabata riba draaiboek di SMAC exactamente pa 7pm di anochi. 

  • Powered by SETAR