Servicio meteorologico ta desmenti alerta di tsunami pa Aruba

ORANJESTAD – Servicio Meteorologico diabierna atardi a desmenti e informacion cu ta circulando cu tin un alerta di tsunami pa Aruba. “Claro cu no” Dave Barkemeyer a contesta prensa ora cu a puntra esaki. Segun e hefe interino, e palabra warning, mester ta 'watch', pues cu tin un watch y cu esey ta diferente. Di otro banda, di parti di Rampenbureau a bisa cu e carta ta “corecto, y cu e ta pa e departamentonan concerni revisa y prepara nan personal relaciona cu Puerto Rico”. E carta cu a cuminsa circula ta firma pa director di departamento di Salud y cu ta bisa cu tin un alerta pa Aruba valido y cu tin cu tuma e precaucion necesario. Tin un confusion aworaki riba e tema unda cu no tin un claridad kico realmente a conduci pa e memo interno aki keda publica di tal forma. 

GOBIERNO

Di parti di gobierno, a haya e siguiente declaracion for di minister Dangui Oduber. " Ta importante pa informa communidad cu nos pais ta riba un Tsunami Watch, NO un Tsunami warning. Debi na e teremotonan na Puerto Rico, nos mester ta prepara pa cualkier eventualidad. E carta cu ta circulando ta un standard procedure ora tin tsunami watch of watch pa eventualemte cualkier calamidad.  E watch NO ta pa crea panico. No tin un Tsunami na caminda!