Ristramento preventivo durante actividadnan di carnaval na Playa

ORANJESTAD - Awe dialuna mainta pa 7:47 central di polis a wordo notifica cu un atraco a tuma lugar na un cas na Seroe Blanco. Na yegada di polis por a compronde cu un rato prome dos atracado a yega na e cas y a mara tres  persona den e cas y a maltrata dos  di nan cu arma di candela. E atracadonan a papia spaño y ta tin nan cara tapa. Tur dos tin arma di candela. Despues e atracadonan lo mester a hui den un auto cu mas of menos 5000 florin na cash. Color di e auto no ta conoci. Atraco Team a presenta na e sitio y a cuminsa cu nan investigacion. Polis technico tambe a presenta y slachtofferhulp.  Cuerpo Policial ta haci un apelacion cu esun cu a wak algo of sa algo jama e tiplijn di polis cu ta 11141

SAN NICOLAS - Despues di balonnenoptocht y na puntonan strategico motorunit di polis a eherce su controlnan. Mas o menos 130 vehiculo a wordo para y controla.A detene 6 chofer coriendo bou influencia di alcohol di cual 2 di nan nan rijbewijs a wordo ingevorderd ( A kita nan rijbewijs) Un chofer a risibi multa pa nenga di para ora a dune un señal pa stop. Un chofer a risibi multa pa core sin rijbewijs y documentonan cu no ta na ordo.  A confisca un total di 6 brommer cu no tawatin nan papelnan di belasting ni seguro na ordo.  Un total di 23 multa a wordo reparti.

SAN NICOLAS - Awe diadomingo merdia pa 1:07 Cuerpo Policial conhuntamente cu S.M.A.C. a cuminsa parada di blaas na San Nicolas. Esaki segun version oficial di polis. E parada a conta cu 4 grupo di mucha y 1500 participante.  Cuerpo Policial  tabata tin 75 polis riba pia . Esaki consistiendo di e parti uniforma , recherche , ME,AE y  e parti administrativo Pa 4:37  e cabez di e parada a jega Joe Laveist y pa 5:06 e ultimo grupo a jega e final. Segun vocero suplente di polis Liliana Rasmijn, e aña aki nos a conta cu 0 detencion, igual na e aña anterior ora cu e ora tampoco tabatin detencion.  

SAN NICOLAS. - Diadomingo marduga durante certamen di Reina di carnaval 66, un dama a cay den otro y a fayece ratonan despues. Tur esaki lo a sosode backstage. Despues cu personal di Cruz Cora a traha cu ne, ambulance a tuma over. Inicialmente lo a reanima e persona pero esey no a dura largo. A transporta e persona pa Imsan unda cu informacion a drenta cu el a fayece. Noticiacla.com ta manda palabra di condolencia na famianan di e fayecida. Informe ta den proceso.

SAN NICOLAS - Awe diasabra madruga pa 2:55 central di polis ta wordo notifica cu un atraco lo mester a tuma lugar na e snack truck dilanti Carnival Village. Asina vocero suplente di polis Liliana Rasmijn a confirma. Na yegada di patruya por a compronde cu un rato prome dos hende homber cara tapa , un cu machete y e otro cu cuchiu lo a jega eynan y a atraca. Nan lo mester a papia papiamento y a bay cu e suma di mas o menos afl700,-. E dos sospechosonan lo mester a hui na pia direccion noord. Atraco team a presenta pa haci nan investigacion.Cuerpo Policial ta pidi esnan cu a wak algo of sa algo jama tiplijn di polis cu ta 11141.

MACUARIMA - Cuerpo Policial ta haci un apelacion na testigo(nan) pa cu e incendio cu a tuma lugar diadomingo 12 di januari prome cu mei anochi na scol preparartorio Cacique Macuarima na unda antisocialnan a comete  acto di vandalismo y a cende candela den e leslokaalnan. Cuerpo Policial ta haci un apelacion na esnan cu sa algo of a wak algo yama e tiplijn di polis cu ta 11141.