Polis cla pa e actividadnan di Carnival pa cu e fin di siman aki

Polis cla pa e actividadnan di Carnival pa cu e fin di siman aki

Posted on 01/10/2020 2:28 pm AST | Updated on 01/10/2020 2:29 pm AST

SANTA CRUZ - Polis cla pa e actividadnan di Carnival pa cu e fin di siman aki. Asina nan a informa diabierna pa medio di un comunicado. Segun e informacion, nan a sinta un biaha mas cu SMAC  conhuntamente cu diferente stakeholders pa cu e preparacion pa cu e fin di siman aki. 

Awe diabierna 10 di januari lo tin e actividad di elecion di Prins & Pancho cu ta tuma lugar den Carnival Village.  Sigui pa mayan diasabra 11 januari pa Children & Youth Calypso and Roadmarch Contest cu lo ta den Carnival Village tambe. Diadomingo tin e Boat Fest cu ta tuma lugar na Surfside Beach. 

Cuerpo Policial ta cla pa e weekend aki y kier a recorda pueblo cu controlnan ta sigui prome, durante y despues di e actividadnan aki .Cuerpo Policial lo ta encarga manera semper cu e orden publico y ta haci un suplica pa corda cu ta actividad di mucha y laga nos muchanan gosa di nan actividad.

Pa e actividadnan cu lo tuma lugar na Carnival Village kier a recorda e pueblo cu no ta permiti pa sinta cu stoel , ni haci bbq, ni hunga domino pafo riba aserca/ caminda.  Medida lo ser tuma si constata esaki . Departamento di salubridad lo pasa haci su controlnan y ta haci un apelacion pa tur hende tin nan Caarchi BERDE ORIGINAL cu nan y no copia!!!

Loke ta e actividad di Boat Fest Cuerpo Policial lo tin e parti di lik op stuk cu ta conoci den pueblo pa “FAYA BO HAYA”.  Cuerpo Policial ta bon prepara pa loke ta e actividad aki y ta recorda tur hende pa corda riba nan comportacion y si bo ta bebe no stuur .!!! Evita pone bo bida y di otro na peliger. NOTA: E potret ta uno di archivo di noticiacla di e reunion di aña pasa. 

  • Wardacosta a haña boto Venezolano ta pisca den awanan di Aruba

    Wardacosta a haña boto Venezolano ta pisca den awanan di Aruba

    ORANJESTAD - Diahuebs 30 juli, pa mas o menos un 0830 di mainta, wardakosta a ricibi un melding via VHF di un piscador atento cu lo mester a mira un boto Venezolano piscando den awa nan di Aruba. Na mes momento un metalshark a sali pa bai identifica esaki. Pa mas o menos 0925 e metalshark a intercepta un boto tipo yola cu tabata piscando 3 miya zuid di cabes di Aruba. E boto cu nomber "Mary Perez", procedente di Venezuela tabatin 3 tripulante di nacionalidad Venezolano abordo i tabata piskando cu palambra. No tin mag di piska ku palambra, lei ta prohibí esaki.

  • KPA: A detene Richi Danies pasobra e no a sigui orden di polis

    KPA: A detene Richi Danies pasobra e no a sigui orden di polis

    ORANJESTAD – Polis a detene ciudadano Richi Danies, pasobra e no a sigui ordo dialuna anochi. Asina vocero di polis Lito Laclé a clarifica diamars pa medio di un comunicado. Segun Laclé, desde e inicio di e protesta di señor Danies mando di Cuerpo Policial tawata den consulta constantemente cu Seguridad Nacional y  Centraal bureau Terrorismebestrijding, Veiligheid en Interpol (NCTVI) y a sigi nan consehonan.

  • Polis a kita tur bandera ‘pro pedofiel’ y otro obheto riba tereno publico

    Polis a kita tur bandera ‘pro pedofiel’ y otro obheto riba tereno publico

    ORANJESTAD – Despues di 10 dia di protesta y campamento, polis a obliga e ciudadano Richi Danies y su grupo pa kita tur articulo riba tereno publico. Esaki ta inclui bandera, stul, mesa y cualkier otro obheto cu ta riba tereno publico, den e caso aki dilanti gabinete di Gobernador y Parlamento. Pa mas cu un siman, por a mira ‘banderanan grandi cu e palabranan Aruba Pro Pedofiel, den pleno bista di publico, cu a crea hopi atencion. Mientras cu tur hende ta compronde e lucha, mes momento e tabata un preocupacion pa cu nos industria internacional cu e por manda e mensahe no mucho positivo. Despues di un siman di tolerancia, polis a dicidi di actua y remove tur esaki. Danies a resisti ora cu polis kier a hale y a detene na e sitio.  No ta prome biaha cu esaki ta sosode.

  • Atraco arma na un cas na Pos Chiquito

    Atraco arma na un cas na Pos Chiquito

    POS CHIQUITO- Diasabra anochi pa 7:40 AC ta informa central di polis cu un atraco a caba di tuma lugar na un cas na Pos Chiquito. Na yegada di e prome patruya por a compronde cu un rato prome dos hende homber cara tapa y tur dos cu arma di candela y papiando papiamento a atraca na e cas. 

  • Cas na Dakota a pega candela diasabra

    Cas na Dakota a pega candela diasabra

    ORANJESTAD - Un cas den Timbalstraat 6 a pega candela diasabra mainta. Bomberonan a acudi pa haci nan trabou mientras cu polis tin e area cera pa investigacion. Keda pendiente pa mas informacion. 

  • KPA: Dos persona haya morto den bar na San Nicolas

    KPA: Dos persona haya morto den bar na San Nicolas

    SAN NICOLAS - Diaranson anochi pa 11:10 central di polis ta wordo notifica cu nan a haya un jamada cu na Latin Passions na San Nicolas lo mester a topa cu 4 persona den e bar cu ta for di tino. A manda patruya como ambulance y tambe brandweer na e sitio di e sucedido. Na yegada enberdad a bin topa cu 4 persona di cual 2 no ta duna señal di bida. Dos persona( hende muhe ) a wordo atendi pa personal di ambulance y stabilisa y manda cu maximo urgencia hospital pa haya tratamento medico necesario. Na e sitio a presenta recherche , polis technico pa haci nan investigacion pa sa kiko por a pasa cu exactitud . Tambe a pidi pa slachtofferhulp. Dr Texier a constata morto pa 1:30 di e sra M.F naci Aruba di 47 aña y e mr di G.L. naci na Aruba di 42 aña. Tur dos curpa a wordo confisca pa investigacion. Noticiacla y cuerpo policial ta manda palabra di condolencia na famia di e fayecidonan.

  • Powered by SETAR