Gobierno Hulandes kier limita tiramento di klapchi mas ainda

DEN HAAG – Gobierno Hulandes kier limita tiramento di klapchi mas ainda. Esey minister di husticia Hulandes Grapperhaus a bisa diabierna despues di conseho di minister. Un punto importante pa e decision ta e forma con esey a sosode cu e conseho di e organo di investigacion pa seguridad. E instancia ey a sugeri un paro riba klapchi y vuurpijl. E pregunta di kico exacto e mandatario kier prohibi, no ta conoci. 

Ultimo tempo, mas y mas instancia y organisacion tabata bringa pa un prohibicion (di klapchi). Hasta den parlamento Hulandes tin un mayoria pa prohibicion di klapchi peligroso. 

Segun Grapperhaus, e ultimo cambio di aña aki, e no tabata ‘e fiesta cu e mester a bira pa hopi’. E violencia, e herida, e uso iresponsabel di klapchi, destruccion, un grupo di hende a haci esaki un desastre estilo Wild West. Gabinete ta haya cu esaki no por sigui asina”

E proximo tempo lo traha varios plan hunto cu polis, Ministerio Publico y bomber. E gabinete kier presenta e plan na februari.