PHILLIPSBURG – E partido politico National Alliance di actual prome minister Silveria Jacobs cu 4694 voto a gana eleccion di St Maarten segun resultadonan preliminar di e eleccion parlamentario di diahuebs. Na di dos lugar di e partido UP cu 3232 voto. E dos partidonan cu a keda afo ta PPA cu 326 voto y SMCP cu 752 voto. E otro 3 partidonan cu tambe a haya asiento ta USP (2) cu 1759 voto, PFP(2) cu 1408 voto y UD (1) cu 1162 voto. Wak e resultado completo AKI. Potret cortesia Tim van Dijk/Caribisch Netwerk.
ASIENTO
NA 6
UP 4
USP 2
PFP 2
UD 1
Parlamentarionan inicial
1. Melissa. PFP
2. Peterson. PFP
3. Grisha UP
4. Rolando. UP
5. Cookie UP
6. Otmar UP
7. Sarah UD
8. Akeem USP
9. Buncamper USP
10. Sylveria NA
11. Jurendy NA
12. Christopher NA
13. William Marlin NA
14. Samuel NA
15. Ardwell NA
MIAMI – E tres pasaheronan crucero Colombiano cu a ‘disparce’ despues di a bishita Tortola durante un crucero riba e barco crucero di NCL, Norwegian Sky, ta resulta cu a bandona e barco intencionalmente pa no bolbe. Noticiacla a raporta riba esaki recientemente, unda cu a bati alarma ora cu e barco a sali sin e tres personanan, unda cu a cuminsa un buskeda pa nan. AWor ta resulta cu ora cu autoridad a check e cabina di e tres pasaheronan, a haya esaki completamente bashi. Pues nan lo a bandona e barco cu tur nan pertenencianan, cu ta mustra straño, sin cu e personal di e barco a nota esaki. Mientrastanto e buskeda ta continua pa e tres personanan na Tortola. E tres Colombianonan tabata riba un crucero cu a caba pasa Aruba y Corsou tambe, pa despues yega Tortola. Aki ta unda e problemanan a cuminsa.
TORTOLA – Tres pasahero biahando riba e barco crucero Norwegian Sky ta raporta como perdi despues cu e siman aki e barco a pasa Tortola, Isla Virgen Britanico. E barco prome cu esey a pasa Aruba tambe, pero ta na Tortola a sinti nan falta. E polis local a cuminsa un buskeda di e tres personanan, di nacionalidad Colombiano. Ta trata di Jean Carlo Ospina Cano, Pamela Mesa Escobar, y Yesica Yojana Marin Ramirez. No ta conoci si nan ta famia y si nan a keda tera ‘intencionalmente’ of si algo por a pasa nan.
CARACAS – Familiarnan di esnan cu a naufraga riba laman na caminda pa Aruba, desde Paraguana, estado Falcon, ta kere cu nan tabata victima di un secuestro. Asina e portal Venezolano el diario.com ta raporta. E 9 hombernan ta desapareci desde December 2023. “Mientras cu e dianan tabata pasa, nos tabata spera cu nan lo a sali via Guajira pa Colombia, nos ta calcula y ta den nos cabez cu nan ta secuestra” un di e familiarnan a bisa na radio Union dialuna. Irene Velazco, otro familiar entrevista a bisa cu nan a raporta esaki caba na e autoridadnan. “Nos a te hasta bay guardacosta y nan a tuma nos datonan. Supuestamente nan lo ta haciento e buskeda pero nunca nan a duna nos prueba di e busqueda aki”.
CARACAS – Presidente Venezolano Nicolas Maduro oficialmente a keda elegi pa su partido pa busca un di tres mandato consecutivo como presidente di e pais dia 28 di juli proximo. Esaki a keda informa dialiuna pa e partido Chavismo. DiosdadoCabello, vicepresidente di e Partido Socialista de Venezuela (PSUV) a bisa riba su cuenta X, cu e base di PSUV a dicidi Nicolas Maduro candidato”. E ta sigura cu e mas di 4 miyon miembro di e partido PSUV, a participa den e consulta. Inicialmente a anuncia cu lo a participa e nomber di e candidato dia 15 di maart, pero a haci esaki caba dialuna.
KRALENDIJK - Si sigui pensamentu di e gobièrnu lokal di Boneiru pronto mester bira mas difísil pa estranheronan establesé riba e isla. For di 10 di òktober 2010 e poblashon di Boneiru a krese enorme. Na e momento aki Boneiru a surpasá 25 mil habitante. Dado momento a karakterisá esaki komo un kresementu deskontrolá, asina Nathaly Evertsz ta skirbi awe pa Ret Karibense.
KRALENDIJK – Den transkurso di añanan a malversá miónes di dòler na BOPEC. Esaki abogado Lucas Drissen di bufèt HBN Law & Tax a deklará den Korte. “Mi tin tres aña trahando hopi di aserka ku e curator i mi a konstatá ku a malversá miónes di dòler na BOPEC”, segun e abogado. Ta trata aki di un disputa basta formal entre BOPEC i eks mènedjer general Ethward Manuel. BOPEC a entamá un kaso kontra Manuel i ta eksigí pago di kasi 300 mil dòler. Ethward Manuel apresentá den sala di korte huntu ku su abogado Edward Winkel.