Noticiacla.com a otorga Janine Rodriguez su reconocemento como Personahe di Aña 2019

ORANJESTAD – Na cierre di aña 2019, actuando riba un tip di colega periodista Norben Giel, Noticiacla.com tabata e prome pa reconoce 'oficialmente' e labor  casi sobrehumano di sra Janine Rodriguez como trahado di Slachtoffer Hulp, pero mas tambe pa su aporte riba e tereno social den su oranan liber. E bunita ta cu hopi otro medio y instancia a sigui e paso aki y tambe a dun'e e reconocemento. Diahuebs NoticiaCla.com a otorga sra Janine Rodriguez su reconocemento como Personahe di Aña 2019. Fuera di su labor ‘sobrehumano’ cu e ta desplega como trahado di Slachtoffer Hulp 24 ora pa dia, e ta envolvi den practicamente tur actividad social pa comunidad, pero ta haci esaki semper tras di cortina. Director di e portal Tito Laclé, a otorga e premio na su persona, y a invite mesora pa e ta den e programa NoticiaCla LIVE cu ta pasa awe nochi 9’or riba e plataformanan di e portal, esta e facebook page di Noticiacla.com, e app y tambe e website. E programa ta cuminsa pa 9’or di anochi.