Aruba Airlines ta refuta di ta involucra den expatriacion forza di Cubanonan

ORANJESTAD - Aruba Airlines diahuebs un biaha mas a refuta di ta involucra den expatriacion forza di ciudadanonan Cubano. Un noticia cu nan a yega di refuta aña pasa caba, pero cu a haya bida atrobe e siman aki despues di un raportahe di prensa Hulandes.  “Aruba Airlines kier a aclaria un biaha mas, cu nos no tabata ni ta involucra den ningun tipo di expatriashon forza di ciudadanonan Cubano. Aruba Airlines ta un compan?i?a priva y independiente hasiendo negosashon cu diferente destinashonan y sin ningun afiliashon poli?tico” e comunicado ta sigui bisa.

JUNI

“ Na Juni 2019, Aruba Airlines a reacciona ariba e acusashonan falso aki y te dia di awe nos ta mantene nos mes na e mes un posishon” e comunicado ta sigui bisa.  “Tambe, na October 2019 a peticion di e alto comishonado di Derechonan Humano, nos di Aruba Airlines a presenta tur prueba na nos defensa y a desmenti? e expatriacionan forsoso di cual Aruba Airlines ta wordo acusa, mescos cu e vinculonan cu gobiernonan extranhero. Na unda cu nos a presenta nos pruebanan cu ta demostra lo cual cu nos ta bin ta declara anteriormente”.

MAS INFORMACION

Te na e dia di awe ningun informashon mas a wordo solicita di parti di Nashonnan Uni ni di ningun otro entidad legal, segun e aeroliña. “Di e manera aki nos ta reitera cu Aruba Airlines nunca lo ta complice di ningun crimen ni di violacion na derechonan Humano, y tampoco no ta mantene nungun relacion cu ningun gobierno, cu excepcion di lasonan comercial cu e diferente autoridadnan di aviacion civil cu ta producto di nos operacionan den e pasinan, Aruba Airlines lo continua dunando apoyo na e diferente entidadnan oficial si tin mester, pa garantisa e miho negociacihonan y practica operacional” E aeroliña a finalisa bisando.