VNO: Bishita di minister Knops ta uno ‘regular’ pa islanan ABC

DEN HAAG – E bishita di minister Hulandes pa Relacionan di Reino y Asuntonan Interno Raymond Knops ta uno ‘regular’ pa islanan ABC otro siman. Asina e oficina di representacion di gobierno Hulandes na Aruba VNO a bisa den un comunicado diaranson merdia. Esaki ta confirma e noticia anteriormente di noticiacla.com di binimento di Knops pa Aruba. E ta bishita Aruba diadomingo y dialuna y ta sigui pa Bonaire diamars. 

CONTENIDO

Durante e bishita ‘regular’, e mandatario ta topa cu Gobernador di Aruba y prome minister Wever Croes. Ademas e ta haya informacion di monumentenzorg y e trabou di Fundacion pa Hende Muhe den Dificultad y IMSAN. Ta mas cu claro cu durante e bishita, e lo toca temanan manera finanza publico, CAFT y e relacion den Reino cu gobierno ta trahando ariba. Ultimo biaha na april a toca e temanan di finanza, aanwijzing y tambe e prestamo bou di interes abou. Na final di su bishita, lo tin un conferencia di prensa dialuna durante cual e lo duna relato di su bishita 'cortico' na Aruba. 

OTRO ISLANAN

E mandatario ta sigui despues pa Bonaire pa diaranson y diahuebs e dedica na Corsou unda cu tin e asina jama Justitieel Vierpartijenoverleg (JVO). Aki tur ministernan di Husticia di Reino ta topa pa toca varios tema riba e tereno di seguridad, pa tanto islanan ABC como Isla Riba. Dia 16 di januari e mandatario ta bolbe Hulanda.