Ponson: Hopi klapchi mes a sobra y deposito di Wela ta ‘overvol’

ORANJESTAD – E situacion di klapchi na e deposito na Wela no ta normal awor. Asina experto di explosivo pa DOW Rubin Ponson a splica noticiacla.com diaranson. Segun Ponson, un cantidad record (atrobe) a sobra e aña aki, cu a pone cu Wela ta ‘overvol’, manera Ponson mes a bisa. “No ta normal. Hopi klapchi mes a sobra” Ponson a sigui bisa. A importa 22 container 2019 cu ta mas cu e aña anterior. Ademas tin un cantidad grandi cu a sobra caba. Mes momento ta bisa cu a premira esaki, mirando e cantidad di klapchi cu a wordo importa.    

KLAPCHI

Manera ta conoci, e aña cu a pasa atrobe un cantidad grandi di container a yega Aruba, y manera a premira, hopi no a wordo bendi. Manera indica, ta trata pues di por lo menos 22 container nobo cu klapchi a yega, y riba dje, yega laat. Regla ta cu klapchinan tin cu yega prome cu 1 di December di e aña corespondiente. Sinembargo, ta te dia 20 di December (mas di tres siman  for di e fecha reglamentario) e containernan a yega. Asina mes e ekipo di klapchi a haci esfuerso sobrehumano pa keda cla den apenas 2 dia despues di e fecha official di bende klapchi (27 di December) esta 29 di December 2019 pa por a entrega tur cos. Nota: E potret di klapchi ta uno di archivo di Noticiacla.com.