Indocumentadonan den prison na Corsou kier oido di parlamentarionan Hulandes

WILLEMSTAD  - Den e conferencia Inter Parlamentario di Reino Ulandes (IPKO) parlamentarionan di Aruba, Corsou y Hulanda lo papia tocante dje “Situacion na Venezuela”, mientras diahuebs e delegacion di IPKO lo bishita barak di ilegalnan na SDKK. E situacion na Venezuela ta afecta Corsou y Aruba principalmente. Asina e periodista Dick Drayer ta raporta.  

INDOCUMENTADO

Un di e indocumentadonan den barak na prison, Gabriel Morales Perrozo su bista ta fiha rba e parlamentarionan Hulandes cu lo bishita e barak na Koraal Specht. Gabriel a huy di Venezuela debi cu e tabata sufri di hamber y pobresa, mescos cu 4.8 niyon di su compatriotanan. Estando den detencion di indocumentado na Corsou, cos no ta mas miho. Segun Gabriel, un hende banda di dje tin problema cu wowo y no ta haya tratamento di docter. Y tambe tin otro compatriot cu tin problema di salud. Nan no kier keda mas den barak. Na e momentonan aki tin 12 Venezolano cera a base di articulo 3 di tratado Europeo di Derecho di hende (EVRM) cu a pidi proteccion. Ocho dinan tin mas cu 8 luna cera. Nan ta huy di e regimen di Nicolas Maduro. 

Maruri Estilita Cambero Rodriguez (39) dia 12 di mei 2019 a yega Corsou den un boto y a keda intercepta pa Warda Costa. E tin cuater yiu na Venezuela. Su mama ta invalido y mester di remedi urgente. Na cas no tin cen y no tin cuminda. El a spera di por traha na Corsou. E no ta cera den barak pero den prison seccion di detencion di hende muher. Asina tin mas Venezolano detene y ta spera di haya oido cerca Parlamentarionan Hulandes cu lo bishita barak diahuebs awor. 

Fuente y potret cortesia Dick Drayer.