KB pa investiga prespuesto di Aruba a wordo firma

DEN HAAG - E koninklijk besluit (KB), conoci como 'aanwijzing' cu Aruba a ricibi diabierna, a keda firma dialuna mainta pa Rey Willem Alexander. Esaki a keda confirma na NoticiaCla pa su fuentenan fededigno. Esaki ta nifica tambe cu entrante mayan esaki lo keda publica den e Staatscourant y tambe e Afkondigingsblad. Cu tur esaki tras di lomba, e commission apunta pa gobernador di Aruba, lo cuminsa cu su trabounan di investigacion entrante diamars mes. Rumornan di un posibel comision instala pa Raad van State, presidi pa ex minister Hirsh Ballin, no por a wordo confirma pa NoticiCla, y fuentenan consulta, no tabatin ningun informacion ariba.

Tabata diabierna ultimo cu gobernador di Aruba a wordo pidi pa wanta cu firmamento di e presupuesto 2014, pendiente un investigacion independiente, cu ta wordo haci riba su orden. Esaki pues ta e aanwijzing cu tanto tabatin speculacion ariba. Esaki Conseho di Minister di Reino a dicidi diabierna mainta, riba sugerencia di minister di relacionan interior y asuntonan di reino, Ronald Plasterk. Segun Plasterk, e situacion di finanzas di gobierno ta keda precupante. E investigacion tin cu laga wak awo si e trayecto manera sugeri pa IMF , pa finanzas sostenibel, a wordo enberdad atendi. E desicion di Conseho di Reino ta wordo concretista pa medio di un KB basa riba articulo 15 y 21 di reglemente di gobernador. E accion aki a conduci na desicion di prome minister Mike Eman pa bay den un welga di hamber, cu dialuna a drenta su di 3 dia dialuna mainta.