NOS: Nacionan Uni kier claridad di Hulanda riba expulsion di Cubanonan via Aruba

NEW YORK – Nacionan Uni a pidi gobierno Hulandes pa claridad riba e expulsion di dos disidente Cubando door di e aeroliña Aruba Airlines. Asina e portal di noticia Hulandes NOS ta raporta. Segun e raportahe, e Cubanonan ta bisa cu nan mester a bandona nan pais bou di presion.  

E noticiero Hulandes Nieuwsuur a logra trace e dos personanan aki y a papia cu nan extensamente. A mustra documentonan tambe cu ta mustra cu e aeroliña ta den man di un Venezolano. Esey segun e noticiero, ta contra ley ya cu segun ley, ta un Arubiano mester ta doño. Ta papia tambe cu e regimen Venezolano ta mantene relacionan estrecion cu e regimen comunista na Cuba. 

Segun e raportahe, tanto Hulanda y Aruba ta bisa cu nan kier pa Aruba sigui e procedura di seguridad mas miho, pero no kier bay den detayes riba e expulsion. Segun Aruba, Aruba Airlines ta cumpli cu tur regla di ley. Pero mas contenido, ‘no obstante multiple intento’ gobierno (di Aruba) no a duna,  

Cuba mientrastanto ta nenga na Nieuwsuur cu ta trata di expulsion bou di presion. Aruba Airlines a mantene e mesun postura cu esun di gobierno Cubano. E hombernan lo a biaha voluntariamente, y e aeroliña lo no tin culpa. Sinembargo, segun Nieuwsuur, e noticiero tin documentacion manera pasaporte y dato di buelo cu lo ta sostene e declaracion di e disidentenan. Tanto gobierno di Cuba como e aeroliña no kier a bay riba e parti ey, segun e raportahe. E noticiero Hulandes ta sigui bisa cu Nacionan Uni ta tuma e keho di e disidente   Eliécer Góngora na serio y ta investigando simultaneamente un keho similar di un otro Cubano. Ta trata di Daniel Llorente Miranda cu ta bisa cu na mei ultimo e mester a sali di Cuba cu un buelo di Aruba Airlines.  “Durante nos investigacion, nos a cai riba documentonan cu indicacion fuerte di un structura di propiedad illegal di Aruba Airlines”, e noticiero ta sigui bisa. 

Entre nan, cu ley Arubano ta prescribe cu e aeroliña mester ta den man di un Arubiano. Esaki ta necesario pa evita influencea no desea stranhero y pa fortifica e posicion independiente di e isla. “Pero den e caso aki, segun un ‘holding company’, e accionan ta den man di Esteban Vallés, un Venezolano cu nacionalidad Mericano tambe. Tambe segun ley local, desicionanan di operacion diario mester wordo tuma na Aruba, pero segun e noticiero, e realidad ta cu parti di e decisionan ta bin for di e ciudad Venezolano Caracas.  

Pablo Mendes de Leon, hoogleraar luchtvaartrecht di Universiteit van Leiden, a studia e documentonan y ta comparti cu e ta un structura dudoso y ta bisa cu e doño y e poder di Aruba Airlines no ta den man di Arubiano. bestudeerde de documenten in handen van Nieuwsuur. 

E oficina di High Commisioner pa derecho Humano di Nacionan Uni na Geneve a pidi aclariacion na gobiernonan Hulandes, Arubano y Cubano. Hasta lo a pidi aclaracion di e aeroliña. Aunke Aruba ta un pais autonomo dentro di Reino, Reino Hulandes ta responsabel pa asuntonan externo y di aviacion segun e portal Hulandes. E reporter special pa Nacionan Uni, e Frances Michel Forst ta esun encarga cu e investigacion. 

Fuente: NOS/Nieuwsuur.