Oduber: Atraco na Ritz Carlton por tin impacto riba turismo

ORANJESTAD - Minister Dangui Oduber (Turismo)  a tuma nota di un atraco na un joyeria na Ritz Carlton ayera den e zona turistico. Segun su reaccion pa noticiacla.com, sigur ta lamentabel y obviamente e por tin su impacto riba turismo. Nos ta condena severamente cu tin hende riba e pais cu aki ta hinka den nan cabez pa hunga cu nos unico pilar economico. Hunto cu colega minister Andin Bikker ta atentiendo seguridad di turistanan, den areanan mas bishita y logicamente e tendencia di atraco. 

Segun e mandatario, as a matter of fact lo introduci bek e visibility team den zona hotelero y di e forma aki percura en todo caso pa tin mas seguridad visibel den e area. Aruba keto ta bai ta wordo considera e isla mas sigur di henter regio y nos ta garantiza communidad cu esaki lo keda asina aki tambe segun e mandatario. Tin hopi esfuerzo ta wordo haci, hopi inversionan ta wordo haci pa tur hende na Aruba por ta trankil, Oduber a finalisa bisando.