AHATA ta reacciona riba atraco na Ritz Carlton Hotel

ORANJESTAD - Aruba Hotel & Tourism Association (AHATA) ta preocupa cu e situacion di seguridad. Sigur despues di e ultimo atraco riba un joyeria den Ritz Carlton diasabra anochi. " Nos ta hopi preocupa pa e seguridad di nos bishitante y ciudadano" CEO di AHATA, Tisa Henriquez a bisa noticiacla.com diadomingo. " Nos tur sa cu nos economia ta depende riba un pilar so; turismo. Seguridad ta e factor di mas importante di un turismo duradero. Nos mester conta riba e autoridadnan pa mantene seguridad na nos isla y yuda preveni crimen", LaSorte a sigui bisa."  Semper AHATA y su miembronan ta disponibel pa coopera cu polis cu video di cameranan, información, y coordinacion di strategia pa prevención" LaSorte a finalisa bisando. E ATRACO

Manera ta conoci, diasabra anochi pa mas o menos 9:45 central a wordo notifica di un atraco cu a caba di tuma lugar na Jewels in Paradise situa na The Ritz Carlton. Na yegada di e patruya por a compronde cu un rato prome dos hende homber arma a drenta e joyeria y a atraca esaki encuestion. Tur dos atracador a papia spaño . Aparentemente nan lo a los tiro .Di biaha diferente unidad di polis y cu e ayudo di e helicoper a cuminsa cu un busceda pa cu e dos atracadornan. 

A logra detene e prome sospechoso y te cu awo ta buscando e di dos sospechoso .Den e busceda a haya paar di joyas y paar di cos mas cu a ser utilisa den e atraco. Atraco Team a presenta na e sitio y tambe polis technico pa haci nan investigacion. Slachtofferhulp tambe a presenta. Te ainda no ta conoci cu ki tur nan a bay cune .