Mericano ta demanda Netflix pa usa su mapa di Corsou den pelicula

AUSTIN – Un homber Mericano , Victor Baker, cu ta traha mapa, a demanda Neflix y Amazon pa distribucion di un pelicula di 2012, pasobra e pelicula ta mustra su trabou sin permiso. E pelicula ‘Lay the Favorite’, cu actor Bruce Willes riba e tema di sportsbetting, a resulta di ta un fracaso y a genera ni 100 mil dollar. Pero den e pelicula, ta aparece su mapa cu el a traha di Corsou, pero cu a wordo usa sin permiso.   Baker ta crea y bende mapa estilo antiguo di localidad rond di Mundo, cu ta tipicamente bendi na turistanan cu ta bishita e areanan ey. Asina e keho ta bisa den e documentonan legal den corte di Texas. E ta demanda e streamers y Random House Films . E pelicula a keda parcialmente traha na Corsou, cu actornan Vince Vaugh y Catherine Zeta-Jones. E tema ta cu a usa Corsou pa evadi leynan di casino Mericano. E mapa usa, segun Baker, ta fortifica e papel den e pelicula. Baker ta pidiendo 150 mil follar, of un balor rasonabel pa e mapa y ta pidiendo pa distribuidornan stop di pasa e escenanan cu ta mustra su trabou.