Multimiyonario Hulandes ta cumpra 10% di Bonaire pa traha cas

DRONTEN – Multimiyonario Hulandes Meine Breemhaar di Dronten, ta bay cumpra un parti di Bonaire pa traha 1500 cas. Habitantenan di e isla y ambientalistanan tin miedo pa e consecuencia cu e por tin pa e ex-kunuku eynan. Asina e portal Hulandes AD ta raporta. Segun Breemhaar, e ta bira un proyecto bunita di naturalesa. Breemhaar lo bira doño di plantage Bolivia y algun otro plantage. Den pasado Bolivia tabata un plantage di kabrito parti oost di e isla. E tereno ta 10% di e tamaño completo di Bonaire. Segun un otro portal Trouw, Breemhaar a cumpra Bonaire Properties NV, cu tabata doño di e tereno.  

CAS CARO

Segun Breemhaar, e kier traha riba 2% di e tereno. Mester tin casnan costoso y mas barata. Ademas tin un caminda pa core bicicleta, lugar di recreo y tambe lo kier mehora e naturalesa, mirando cu e situacion ey ta deteriora. No ta conoci cuanto Breemhaar a paga pa e tereno. Ta conoci cu e propiedad tabata na benta pa 12 miyon dollar. Breemhaar ta doño di 40 negoshi na Overijssel, Gelderland y Flevoland. E ta doño tambe di e seleccion di futbol y e stadion PEC Zwolle.