Roland Croes: Enfoke pa 2020 ta pa mehora servicio di SETAR mas

ORANJESTAD – Fuera di e productonan nobo cu nan lo y ta saca manera custumber, e enfoke porta mas principal pa Setar den 2020, ta e calidad di servicio. Asina director di e empresa Roland Croes a bisa NoticiaCla LIVE. E enfoke primordial den 2020 ta pa e servicio na e cliente ta di tal forma cu fin di aña no tin casi critica riba esaki. Mes momento a sigura si cu, no tur critica of fayo ta pa culpa di Setar. Pero esnan di Setar, lo traha riba dje sigur den 2020. 

SPEED 

Un di e criticanan ta cu e speed no ta loke e mester ta (p.e. di internet) y cu Setar ta cobra pa algo cu nan no por prueba of presenta. Riba esaki e director ta mustra cu ora cu puntra su techniconan con nan servicio y speed ta, e contesta ta cu e situacion ta bon y cu si tin keho, e ta minimo. Segun Croes, si tin 100 hende cu tin storing vs e 30 mil cliente 60 mil of 100 mil cliente, e 100 clientenan ey no ta nada den cifra. Sinembargo, segun Croes cada un di e 100 clientenan ey ta un ser humano cu tin un problema awor. “Y den un Aruba chikito, tur hende ta tende di tur cos” Croes a bisa. 

RATING

Si compara e rating di telecomunicacion den mundo, compara cu Aruba, Croes ta sigura cu Aruba ta riba number 16 pa loke ta e speed di cellular di mundo. Si compara cu otro, tin un pais so den Americas, cu tin un speed mas halto cu Aruba, cu ta Canada. Ni Merca, cu ta abou. “E ta malo, of no?” Croes ta puntra. Pero pa Aruba, segun Croes ainda esey no ta suficiente. “Ser number uno no kier men nada. Banda di dje bo tin cu wak con e ta varia” Croes a sigui bisa, refiriendo na e consistencia di e calidad y ta papiando aki di speed average. 

INTERNET DI CASTambe esaki ta conta pa internet di cas. Segun Croes, tin solamente un caminda den Caribe, cu ta mas halto cu Aruba, cu den e caso aki ta Merca. Pero no mucho. Den 2020 Croes ta sigura cu Aruba lo pasa Merca den esey tambe. “Pero e ora nos ta bay traha riba e siguiente parti. Nos ta yame e excelencia den operacion” Croes ta bisa, refiriendo na e stabilidad di e operacion. “Den nos bista nos mester mira e stabilidad, cu no mester move hopi” Croes a sigui bisa. E ta splica cu mas wifi keda introduci na Aruba, mas hopi interferencia bo ta haya cu bo bisiña. 

WIFI

E preocupacion mas grandi mundialmente aworaki den companianan di telecomunicacion, ta e stabilidad di nan servicio presenta. Esaki ta si internet tey, si e ta cay, si e ta consistente etc. Mes momento e ta bisa tambe cu hopi biaha ta resulta cu no ta e servicio di internet cu e compania ta ofrece ta esun malo, sino e loke cu e cliente haci cune. Croes ta splica, e reparticion di e internet den e cas, cu por ta un factor. “Si ami bisabo cu mi tabatin 4 cas banda di otro, 10 aña pasa un of dos di e casnan ey so tabatin internet y wifi. Awendia 3 di 4 tin. Si tin 8 cas, 6 tin (internet). Awor si mi bisiña tin mesun frecuencia cumi, y e bisiña a cuminsa experimenta cu e ta cuminsa pone ekiponan nobo, y e ta den mesun frecuencia, e no a dal e frecuencia di dje, pero (dal) di su bisiña si” Croes ta bisa. Pues e cliente ta afectando e internet y wifi di su cliente, pa loke e mes a pone den su cas. E servicio e ora di Setar no ta esun culpable, sino e loke e cliente a haci y experimenta cu ne. “Ken bo ta kere nan ta culpa e ora? Setar!” Croes a sigui bisa. Tur compania di telecomunicacion tin e problema aki. E ta bisa cu e por ta Setar su culpa tambe, pero den e caso specifico aki, ta pasa cu otronan ta causa e problema, y ta culpa Setar. 

DRECHA NETWERK

Den 2020, Setar lo haci un upgrade den su netwerk unda cu e cliente lo ripara tambe un mehoracion di e parti di stabilidad pafo, no wifi ainda, pero si pa haya e internet. “Nos zorg gebied a bira mas grandi.” Ademas Croes ta bisa cu tur critica tin dos banda. Y abo tin cu wak e banda di cliente. “Dan moeten we meer doen, pa verbeter esey tambe” Croes ta bisa pa loke ta e servicio pa cliente mehora. “Abo como Setar, bo trabou ta bira mas ruim pa garantisa y verbeter bo netwerk”. Ta bay haci cambio den esaki y e cliente lo ripara e diferencia na 2020.