Bikker: Aruba lo introduci ESTA pa Venezolano na februari 2020

ORANJESTAD – Introduccion di un sistema estilo di e visa ESTA (The Electronic System for Travel Authorization) cu Merca ta usa, lo mester yuda controla e fluho di pasahero for di Venezuela pa Aruba. ESTA ta e sistema automatisa cu Merca ta usa pa determina e eligibilidad di e bishitante pa drenta Merca via e visa waiver program y si e ta posee un risico legal of di seguridad. Riba pregunta di noticiacla.com, minister di husticia Andin Bikker a sigura cu tin mas programa ‘in place’ pa haci e control aun mas sigur, usando e programa ATIS, y tambe PNR. “E tresnan aki ta un dimension nobo cu mi a duna pa bay mas leu.

PAKICO ESTA

E pregunta tabata ki garantia Aruba tin cu usando ESTA, e ta ‘sigura’ cu e Venezolano problematico ta stop di bin nos isla. Segun Bikker, uso di (fuera di usa ESTA) ATIS (Advanced Passenger Information System), y PNR (Passenger Name Record), cu hunto mester crea un cadena mas sigur. ESTA ta bay mas bien pa si un turista bishita nos isla. E otro dos dimensionan ta riba e aspect di seguridad y combatimento di terorismo.  E intencion ta pa na april por cuminsa e visa y ESTA na comienso di februari 2020.