Gobierno a prohibi cana cu cacho riba beach entre Divi Phoenix y Ritz Carlton

ORANJESTAD – Gobierno a anuncia cu tin un decreto firma cu ta prohibi hende cana cu cacho riba beach for di Divi Phoenix pa Ritz Carlton. Esaki debi cu tabatin problema den pasado recien cu hendenan cu ta haci cos cu no ta bon. E prohibicion aki sinembargo segun e minister di husticia Andin Bikker, tin dispensacion posibel (ontheffing). Esaki ta pa personanan cu tin custumber di cana cu nan cacho y si nan ta cachonan di ‘servicio’. Turistanan cu ta cay bou di e regla aki tambe por haya dispensacion. E decreto ta describi specificamente ken tur por haya dispensacion pa e prohibicion aki. Violacion di e decreto aki por resulta den un multa y of confiscacion di e bestia.

NO TIN DETAYES AINDA

Detayes sinembargo no ta disponibel ainda, pero Bikker a sigura cu e lo ta disponibel unabez cu publica e decreto aki. E intencion ta cu e persona cu tin e dispensacion (un permiso pa cana su cu cacho), e persona no ta bin na remarke pa un multa. E ley aki no ta nobo segun e mandatario, ya cu tin varios pais cu tin algo asina caba. Tin tambe un asina yama ‘hardheidsclausule’ den dje cu ta pone cu si tin efectonan indesea, lo actua conforme esaki. “ No kier stroba esnan si cu genuinamente ta cana cu nan cacho” Bikker a sigui bisa.