Bikker: Scarsedad di polis lo no stroba re-implementacion di visibility team

ORANJESTAD – Ta bay renoba e scol di polis y lo tin klas di polis pa 2020. Asina minister di husticia Andin Bikker a bisa noticiacla.com dialuna mainta, contrario di loke a bisa algun siman atras den Staten. A puntra e mandatario riba e escases di polis (falta 220 polis) y con ta bay haci cu e Visibility team nobo si no tin polis. E mandatario a bisa cu tin cu separa e’tekort na polis’ cu e ‘concepto di visibility team’. 

VISIBILITY TEAM ANTES

E visibility team antes tabata un cooperacion antes di sector commercial y publico , unda cu e fundacion AHSF Ariba Hotel & Security Foundation tabata envolvi. Den e direccion ey e minister di husticia ta pensando segun su reaccion pa e portal aki. Normal ta aloca cierto miembro CEA, KPA cu ta patruya conhuntamente cu boluntarionan of personanan cu ta riba payroll di e security foundation. Algo asina lo tin cu bin bek atrobe. Tabatin retonan financiero, pero toch ta haciendo lo imposibel pa logra trece e caso bek. “Nos lo sobresali y surpasa e retonan aki” Bikker a sigura e portal aki.