Reduci p.e. winstbelasting no ta crea buraco den caha di gobierno

ORANJESTAD – Reduccion di impuesto pa e pueblo, manera cu gobierno a anuncia recientemente, no ta afecta caha di gobierno. Asina e prome minister Evelyn Wever a sigura e portal aki noticiacla.com dialuna mainta. Segun e mandatario, a haci e calculacionan necesario y a determina cu e cambionan menciona, e no ta afecta e entrada di gobierno. Pues por keda trankil cu gobierno lo ricibi suficiente entrada, sin tin cu haya su mes den problema financiero. 

MOMENTO LAAT

Loke a pasa cu a tarda pa anuncia e cambionan ‘positivo’ recientemente, ta cu (segun Wever) e decision pa reduci tarifanan a base di inflacion y aumento di minimum loon recien ‘tabata un decision cu mester a tuma su tempo pa haci su calculacionan’. Esey ta pasobra mester a hacie den e cuadro financiero. “No tin un cos especifico cu a wordo dicidi cu ta bay yena e buraco locual nos lo no haya na e rebaho di loonbelasting, pero e ta cay si den e cuadro. Nos por a afford e” Wever a bisa e portal. Esey ta nifica cu e calculacionan ta haci den e presupuesto, cu ta canando su caminda na CAFT y Raad van Advies. “E no ta trece problema financiero pa nos” Wever a sigura e portal aki.