Control riba benta di klapchi te awor a cana bon sin problema

ORANJESTAD – Diadomingo e ultimo 4 container cu klapchi a keda entrega na e establecimentonan segun vocero di polis Lito Lacle na noticiacla.com dialuna mainta. Tur cos a cana bon y no tabata necesario (te ainda) pa cera lugar pa incumplimento. Manera ta conoci, tur aña Polis conhuntamente cu e comision di klapchi ta controla tur establecimentonan cu ta bende productonan di klapchi pa fin di aña. E aña aki no tabata un excepcion y a haci e controlnan for di pariba te cu pabou di Aruba. Durante control polis a infoca mas locual tabata e parti di permiso y tambe e seguridad di e establecimento. Mayoria establecimento ta cumpli cu e reglanan stipula.

Un recordatorio pa tur cuidadando cu e klapchi aki cu yama “Master lightsaber” di e conocido pelicula starwars ta extrictamente prohibi  PROHIBI na Aruba. DOW a prohibi su benta na Aruba pa motibo di peliger serio cu e ta trece cu ne.