Aruba (Reino Hulandes) entre 11 pais den region cu a pidi visa pa Venezolanonan den 2019

NEW  YORK – Aruba (lesa: Reino Hulandes) ta entre e 11 paisnan cu den 2019 lo a haci peticion pa Venezolanonan haya visa pa bishita e respectivo pais. E portal elimpulso.com ta mustra cu Nacionan Uni a raporta cu cerca di 4.6 miyon di Venezolano mester a hui di nan pais, debi na e ‘crisis politico, economico y social’. Ta mustra cu debi na esaki, paisnan den region a tuma medida y pone restriccion pa ingreso di Venezolano na nan teritorio. Fuera di mencion di Aruba, tin Chile, Ecuador, Republica Dominicana, Guatemala, Panama, Honduras, Trinidad y Tobago, El Salvador y Saint Lucia. 

VISA

E proceso sinembargo no ta cla ainda pa visa pa Venezolanonan drenta Aruba y esaki ta den tramite cu Reino Hulandes, hunto cu un tipo di ESTA cu Aruba lo usa pa esaki. Asina cu esaki ta cla, ta posibel cu e frontera cu Aruba por habri bek. Ta premira cu den e prome of di dos cuartal di 2020, esaki lo por keda cla y e ora ta analisa si ta habri e frontera atrobe segun autoridad local a bisa recientemente