Ciudad Italiano a introduci klapchi (vuurwerk) silencioso como alternativa

COLLECCHIO – E ciudad Italiano Collecchio  den e provincial Parma, ta e prome cu a bin cu e iniciativa pa bin cu klapchi (vuurwerk) cu no ta produci zonido. E unico klapchi cu por tira, ta esun cu no ta saca zonido. Nan ta spera cu otro ciudadnan tambe tuma nan ehempel, E ley di Collecchio ta stipula cu tur hende cu permanece den e ciudad, mester usa klapchi silencioso, pa respecta e bestianan y evita stress innecesario.  

INICIATIVA

Ta considera e iniciativa di klapchi silencioso un alternativa tremendo, pasobra ainda nan ta presenta adorno bunita cu tur hende gusta. Un compania italiano cu ta specialisa den traha klapchi silencioso  por te hasta prove e efecto y colornan segun peticion. Klapchi manera pagara a keda legalmente prohibi. Pa esnan cu ta preocupa cu klapchi silencioso no ta mes bunita, compara cu esun regular, por keda trankil. Esun silencioso tin efectonan aun mas fuerte, completo cu show di laser, cu ta haci nan mucho mas colorido. Un otro pueblo, na Belgica, Middelkerke, inspira pa Collecchio, tambe a organisa su propio show di vuurwerk silencioso. E tabata bunita segun esnan presente ya cu tanto hende como bestia por a disfruta di e show.