Varios miembro di AHATA a cancela tiramento di pagara di fin di aña

PALM BEACH – Varios hotel y compleho di apartamento miembro di Aruba Hotel & Tourism Association (AHATA) a dicidi di cancela nan celebracion di ‘tiramento di pagara’ di fin di aña. E prome pa anuncia esaki tabata sinembargo un centro commercial cu tambe ta miembro, Palm Beach Plaza Mall cu a bisa cu nan ta ‘cancela’ e evento e aña aki como sosten na medio ambiente y seguridad pa otro. Despues 7 otro propiedad tambe a sigui cu e mesun paso y AHATA despues a publica e mensahe di e grupo. Entre nan Boardwalk Boutique Hotel, Bucuti & Tara Beach Resort, Del Rey Apartments, tur 6 propiedad di Divi Resorts, Hyatt Regency Hotel, La Cabana Resort, Marriott Resort Aruba, Mester bisa si cu AHATA tin hopi mas miembro, y por asumi cu otronan si, ta continua cu e custumber annual di tira pagara pa clausura fin di aña. Entre nan, tin Renaissance cu a anuncia nan evento pa 1’or di merdia riba dia 31 di December 2019.