Rasmijn: No ta transporta containernan cu klapchi sin presencia di polis

ORANJESTAD – Polis tabatin e tarea diabierna marduga pa dirigi e trekkernan cu container cu klapchi pa nan destinacion final. Asina e vocero suplente di polis Liliana Rasmijn a bisa noticiacla.com diabierna marduga na Wela. “E containernan aki no ta wordo transporta tanten cu no tin polis (presente)” Rasmijn a bisa. Pesey e departamento di planologie y motor(devisie) tabata presente na Wela, pa dirigi e trekkernan pa e respectivo puntonan di benta. Ademas mester a mira pa tur cos cana bon conforme e transporte di klapchi. Cada transporte ta consisti di un of dos patruya di polis dilanti, sigui pa dos pa tres trekker cu container cu klapchi. E proceso aki ta ripiti henter anochi te mainta te ora cu e ultimo container keda transporta.