St Maarten ausente na reunion IPKO na Corsou na januari 2020

WILLEMSTAD – E delegacion parlamentario di St Maarten un biaha mas lo no ta presente na e reunionan IPKO, cu ta tuma lugar na Corsou na januari 2020. E razon ta obvio, mirando cu dia 9 di januari tin eleccionan parlamentario na e isla, mientras cu e reunion di IPKO ta di 7 pa 10 di januari 2020. Alternativa a ser haci pa cambia fecha otro, pero esey tabata imposibel segun parlamento di Corsou. Na Juni 2019 caba mester a cancela pasobra tabatin tratamento urgente di e presupuesto di e pais. 

AGENDA

Riba agenda di e prome reunion (bipartite) entre Aruba y Corsou tin e geschillenregeling, desaroyo sostenibel economico y e cooperacion entre e dos paisnan. Geschillenregeling sinembargo no ta riba eagenda di IPKO mes, aunke cu e dos paisnan kier toca e tema entre nan mes. Riba e agenda di IPKO tin e situacion di crisis na Venezuela, e despliegue di observadonan pa eleccion den Reino, e suministro y uso di energia den e paisnan individual, y husticia. Lo bishita e prison SDKK na Koraal Specht, incluyendo e barak di e ilegalnan Venezolano, y tambe e hospital nobo di Corsou.