KPA: Polis mas visible riba caya despues di racha di atraco riba nos isla

ORANJESTAD – Cuerpo policial a informacion cu polis lo ta mas visible riba caya despues di racha di atraco riba nos isla. Segun e informacion, nan ta referi na e hecho cu despues di ta serando un aña relativamente trankil, e ultimo dos dianan aki nos isla lamentablemente a wordo confronta cu un par di caso di atraco cu a capta atencion.

MAS POLIS 

Ministerio di Husticia conhuntamente cu Cuerpo Policial di Aruba com tal a informa  cu lo pone mas polis riba caya den patruya y motorisa, cu controlnan 24/7 den tur skina di Aruba y mas polis na pia den areanan turistico y comercial. E helicopter lo wordo activa pa patruya mas ora pa dia y anochi, pa asina tin patruya adicional for di aire. Mientrastanto e team pa resolve casonan di atraco lo haci nan maximo esfuerso pa por resolve a casonan cu a presenta  mas pronto cu ta posibel. “ Nos lo mantene e orden publico di nos pais na un manera sano y responsabel. Comunidad por ta sigur cu por conta cu e sosten di nos polisnan pa e ultimo dianan di aña 2019” tabata e parti final di e mensahe.