Atraco arma riba Gold Palace Jewelers dialuna merdia

ORANJESTAD - Awe dialuna atardi un poco prome cu 3or central di polis ta wordo informa cu atraco lo mester a tuma lugar na Gold Palace Jewelers. Patruya ta jega inmediatamente confirma cu enberdad cu ta trata di un atraco.  E unidadnan den cercania a cuminsa cu un buskeda pa e sospechosonan. 

Ta trata di 2 hende homber habla spaño. Tur dos cu un arma di candela. Un cara tapa y e otro no.  Problamente lo mester a los tiro pero esey investigacion mester saca afo kiko a pasa exactamente. Nan lo mester a huy den un auto probablemente color blauw . 

No ta conoci kiko e atracadornan a bay cune. Atraco team tin e caso bao investigacion.  Un auto a wordo confisca te cu awo y polis technico a presenta na e sitio. Segun vocero policial suplente, no ta conoci kiko tur nan a bay cune .  Cuerpo Policial ta pidi esun cu sa algo of a wak algo jama tiplijn di polis cu ta 11141.