Homber ta agredi y atraca señora na Washington

WASHINGTON – Awe dialuna mainta pa mas o menos 10or central di polis a wordo notifica cu un señora lo a jega na un cas na Washington bisando cu e la wordo atraca. Asina vocero suplente di polis Liliana Rasmijn a informa oficialmente. Segun Rasmijn, a despacha e unidad di polis di biaha na dicho sitio.  Na yegada di polis por a compronde cu e señora bayendo direcion di un banco den cercania lo mester a dal un peaton masculino y na unda e la brinde su judansa di biaha pa hibe hospital.  Na caminda pa hospital e hende homber lo a maltrat’e y asina bay cu e placa cu e tabata tin cun’e . E sospechoso a huy na pia . Departamento di recherche a jega na e sitio pa asina cuminsa cu nan investigacion y tambe polis technico. Slachtofferhulp tambe a presenta pa brinda yudansa na e señora . A mobilisa tur e unidadnan riba caminda pa por captura e sospechoso. A haci uso di e helicopter tambe.  Ta pidi ken cu a wak algo of sa algo jama e tiplijn di polis cu ta 11141.