Bikker: Casonan di maltrato y negligencia di animal lo haya atencion

ORANJESTAD – Gobierno (lesa: Minister di Husticia), conhuntamente cu Cuerpo Policial y Ministerio Publico, ta revisando e manehonan existente pa por atende na un manera mas efectivo cu casonan di maltrato y negligencia di animal. Asina ministerio di husticia pa medio di minister Andin Bikker a informa den fin di siman. Segun e mandatario, ta contemplando alabes cambionan rapido den ley pa amplia e instrumentonan legal unda cu ta necesario, mirando cu nos leynan por wordo considera den cierto aspectonan anticua, si mira por ehempel con na Hulanda a introduci leynan mas amplio pa atende cu e tema. Ta spera mas informacion den curso di cambio di aña. NOTA: E potret no ta un situacion na Aruba sino un potret generico internacional.