Situacion na aeropuerto Hato despues di welga ainda ta sigui precupante

WILLEMSTAD – E welga di personal di aeropuerto Hato di diahuebs mainta ta pa pasado. E promesa cu awor si lo scucha na e deseonan di CAO di e personal, tabata suficiente pa hendenan reanuda trabou. Si esey ta mescos diabierna, ta duda.

E accion repentino di diahuebs mainta a sorprende tur hende. Aerolineanan, pero tambe pasahero y chauffeurnan di taxi a keda sorprendi. KLM a exigi un garantia cu nan buelo por a aterisa y esey nan a haya tambe. Curacao Airport Partners (CAP) cu ta e hefe di e personal di aeropuerto, a dirigi personal temporal riba lugarnan vital durante e welga.

Un rato despues di merdia, e trio consistiendo di e sindicato ABVO, representante di personal Egilio Martina, y minister Stanley Palm, a aserca e welguistanan cu un peticion pa para e welga. Palm a bisa cu lo duna mediado di gobierno tur espacio pa continua cu e negoshacionnan (cu durante 9 luna tabata sin exito). Pa e welguistanan, nan buchi a yena y tabata bisto cu no tabatin mas confiansa ni den CAP como e sindicato. “Tur dos ta hungando wega” segun un di e welguistanan.

for di Caribisch Netwerk.   Foto  di Dick Drayer.

.