Situacion di klapchi na Wela manehabel, bou di circumstancia exepcional

ORANJESTAD – E situacion di klapchi na Wela, bow di circumstancianan excepcional, ta manehabel. Asina autoridad a bisa den fin di siman despues di un bishita di minister di husticia, bombero, douane y DOW. Ssinembargo debi cu falta apenas un par di dia prome cu fin di anja, e factor tempo, den combinashon cu e aspectonan di seguridad, lo keda hunga un rol importante. A haci un bishita na e area di deposito conoci como 'Wela', pa wak e situacion cu a presenta dor cu e containernan di Vuurwerk a yega hopi laat Aruba. Miembronan di Brandweer, DOW y Douane ta haciendo nan maximo esfuerso pa por logra atende cu descarga di e containernan. 

KICO TA MANEHABEL

Segun vocero di bombero Ferdinand Ponson, un situacion manehabel ta, controla 3 container maximo di klapchi, envez di 2. E regla normal ta 2 container pa dia. Pero mirando cu e klapchinan a yega laat, a opta pa bay te na 3, cu ta un situacion controlabel pa seguridad di tur hende. Esey ta pone cu no ta sigur cu tur container y importador lo por haya nan klapchi na tempo si. 

Directeur di Douane tambe tabata presente, y varios di e importadornan di Vuurwerk hunto cu nan respectivo teamnan pa descarga container. A pasa combersa na cada container y scucha e sugerencianan.