Delegacion parlamentario di Aruba participando den varios reunion na Panama

PANAMA CITY – Un delegacion di parlamentario di Aruba ta na Panama, relaciona cu e di 50 anniversario di Parlatino. Varios tema a keda trata y lo wordo trata e dianan cu ta sigui. Entre nan, e organisashon di Nacionnan Uni Mujeres, Parlatino y e Foro nacional de Mujeres de Partidos Politicos ta trahando hunto riba e temanan con pa fortalece liderazgo bou hende muher y tambe riba riba empoderamiento politico di hende muhernan. Participando cu e delegacion di Aruba awe pa nos tin mas apoyo pa logra e metanan aki, tambe na Aruba.

Debate di diahuebs tabata entre otro con pa hasi reformanan cultural den partidonan politico pa logra fortalece liderazgo bou hende muher den partidonan politico, tambe temanan pa promove igualdad di genero

Tambe tabatin entrega di e buki "Memorias y Esperanzas", 1964-2014, na ocashon di e 50 aniversario di e Parlamento Latinoamericano, na e Presidente di e Asamblea Nacional di Panama sr Adolfo Valderrama.

Manera NoticiaCla.com a raporta caba, un total di 11 parlamentario di Aruba ta na Panama e siman aki pa reunionnan di Parlatino. Compara cu reunionan anterior, e cantidad aki ta relativamente grandi, pero tin e informacion cu ta pasobra tin hopi mas reunion cu normal, y cu na final tin e celebracion di 50 aña di e organisacion. E reunionnan  cu nan lo a atende ta varia entre enseñansa, Sector publico, damanan den parlamento, y uno di planificacion di e aña parlamentario pa 2015. Fuera di Aruba, tin 22 pais representa, entre nan Corsou y St Maarten. E siman ta wordo conclui cu un celebracion di 50 aniversario di Parlatino. Miembronan di parlamento Lopez-Tromp, Dammers, Sneek, Jansen-Varlack, Kelly, Tromp, Wyatt-Ras, De Sousa-Croes, Bikker, Croes y Thijsen ta forma parti di e delegacion di Aruba. E reunionan ta dura di 3 pa 6 di december. Fotonan ta cortesia di presidente di parlamento di Aruba Marisol Lopez Tromp.