Doño di restaurant 297 a fayece den accidente aereo na Venezuela

CARACAS – E doño di e restaurant 297 na Palm Beach, Alejandro Seugart ( Aleco ) a fayece den un accidente di avion na Venezuela diahuebs. Hunto cune 8 otro persona a perde nan bida, entre nan un general di rango halto y dos modelo professional Venezolano. E avion tabata un King Air 100 YV1104, cu a perde comunicacion 5 miya di e aerpuerto Guasipati, estado Bolivar. Informacion no confirma ta bisa cu lo tin paketenan den e avion conteniendo oro.

297

E restaurant mientras cu e no ta den operacion mas, nunca realmente a cera su portanan. E la haya hopi atencion na inicio di su operacion y a bira un lugar di luho cu tabata e lugar frecuenta pa hopi hende conoci durante su tempo. Despues e tabata basta den noticia  ora cu a haya problema cu polis pa asunto di permiso. A circula un video di un entrada hudicial na e sitio, y pa basta tempo e restaurant tabata den luz negativo.  Awe, di informacion cu e portal aki tin, ainda e lugar ta existi como 297 y ta paga su huur, aunke e no ta habri pa negoshi como restaurant.