Wever: No ta introduci fase 2 di reforma fiscal na januari 2020

ORANJESTAD – Gobierno no a logra keda cla cu e fase 2 di reforma fiscal. Esaki ta nifica tambe cu segun premier Evelyn Wever Croes, lo no introduci ningun cambio di reforma fiscal pa januari 2020. Asina e mandatario a bisa noticiacla.com diahuebs den un conferencia di prensa. Gremionan commercial recientemente a mustra nan preocupacion cu nan lo a haya ‘sorpresa’ na comienso di aña pa loke ta ‘cambionan’ riba tereno fiscal. E unico cambionan ta esnan cu a keda pasa diaranson, cambio riba e.o. winstbelasting. Pero ningun cambio lo tuma lugar na cambio di aña.