Accidente di trafico ta laga area di Mahuma/Jucuri sin coriente

ORANJESTAD – Un accidente di auto diahuebs mainta a causa cu un area grandi ta sin coriente den area di Mahuma/Jucuri. Elmar a raporta cu e accidente a tuma lugar na e Y-splitsing di Mahuma na unda cu a kibra un palo di luz di tension halto. Como consecuencia pa por remedia e situacion, e caminda na altura di Hua Feng Supermarket ta cera na tur tres punto di e Y-splitsing y lo dura algun ora prome cu tur cos normalisa. No ta inusual cu accidente di trafico ta resulta den perdida di coriente pa barionan/districto, ora cu e auto alcansa poste di luz cu tin p.e. transformator.