KPA ta investigando video ‘erotico’ cu dos polis local riba rednan social

ORANJESTAD – Cuerpo policial a confirma cu a inicia un investigacion riba algun video cu ta circulando riba internet  envolviendo dos agente policial den un patruya, cu dos dama. E video ta sugeri cu e damanan ta dunando e polisnan aki un ‘servicio’ sexual'. “Cuerpo Policial a tuma nota di e video circulando den medionan social y a tuma paso pa cu esaki. A start un investigacion pa cu e caso aki” vocero suplemente di polis Liliana Rasmijn a confirma diamars atardi. Un di e videonan tin un subtitulo cu ta bisa ‘agentenan policial ‘trahando’, y tin un logo di cuerpo policial riba dje. Ademas tin dos otro video cu ta circula cu ne tambe.