Gobierno ta aumenta pensioen di pareha y soltero na 2020

ORANJESTAD – Pensioen pa soltero, pareha y esun divide pa pareha ta aumenta na 2020. Asina minister di turismo Dangui Oduber a comparti riba su pagina di Facebook diamars mainta. Segun e mandatario cu Conseho di Minister, riba su proposicion, a dicidi di aumenta e pensioennan di behes den varios forma entrante 1 di januari 2020. Cu esaki, nan ta sigui cu e ‘racha’ di anuncia cosnan positivo prome cu fin di aña. Un custumber di gobiernonan cu ta haci esaki. 

AUMENTO DI PENSIOEN

E aumento ta Pensioen pa soltero cu ta aumenta di 1.132 pa 1.157 florin. Pensioen pa pareha ta aumenta di 1.906 pa 1.948 florin. Pensioen dividi pa pareha ta aumenta di 953 pa 974 florin. Y e pensioennan pa huerfano y vuido ta keda adapta cu e mes un porcentahe. Mas informacion no tabata disponibel ainda, pero por a compronde cu esaki a keda dicidi diamars mainta, pero ta premira cu e informacion aki lo por keda expandi den curso di dia.